O‘quv-mashg‘ulot markazi kasbga yo‘naltirish yarmarkasida

Boeing vakillarining tashrifi va bortkuzatuvchilar uchun CRM mashg‘ulotlariga qatnashuvi

Bugun, 2024-yil 12-dekabr kuni o‘quv-mashg‘ulot markazi MChJga Boeing kompaniyasi vakillari tashrif buyurdilar. Tashrif doirasida ular ekipajda bortkuzatuvchilar o‘zaro samarali muloqot qilish ko‘nikmalarini shakllantirishga qaratilgan CRM (Crew Resource Management) mashg‘ulotlarida ishtirok etdilar.

Boeing mutaxassislari o‘qitish uslubiyatini yuqori baholab, shuningdek, parvozlar xavfsizligini va aviatsiya xodimlarining malaka darajasini oshirish uchun bunday mashg’ulotlarning muhimligini ta’kidladilar.

Bizning markazimiz ilg’or tayyorgarlik standartlarini joriy etish maqsadida dunyoning yetakchi avia-ishlab chiqaruvchilari bilan hamkorlikni davom ettirmoqda.

O‘z ustida ishlash va bilim darajasini oshirish har bir o‘qituvchining ma’suliyatli vazifasi hisoblanadi. O‘quv-mashg‘ulot markazining xodimlari: o‘quv ishlar bo‘yicha direktor o‘rinbosari D.Z.Xasanova, «Davlat tili» yo’nalishi bo’yicha xodimlarni kasbga tayyorlash guruhi katta o‘qituvchisi U.X.Karimova va o‘qituvchisi M.T.Xodjimetova 2024-yil 7-8 noyabr kunlari Stambul shaxrining ISIT Institutida bo‘lib o‘tgan konferensiyada ishtirok etishdi. Dars o‘tish mahorati va zamonaviy texnologiyalardan foydalangan holda o‘zgacha uslublar bilan tanishib qaytishdi.

«O‘quv-mashg‘ulot markaz»i MChJning o‘quv ishlar bo‘yicha direktor o‘rinbosari D.Z.Xasanova va «Davlat tili» yo’nalishi bo’yicha xodimlarni kasbga tayyorlash guruhi katta o‘qituvchisi U.X.Karimova hamda o‘qituvchisi M.T.Xodjimetova 2024-yil 10-oktabrdan 23-oktabrgacha Alisher Navoiy nomidagi Toshkent Davlat o‘zbek tili va adabiyoti universiteti huzuridagi Pedagog kadrlarni qayta tayyorlash va ularning malakasini oshirish tarmoq markazida «Davlat tilida ish yuritish asoslari» yo‘nalishidagi o‘quv kursini muvaffaqiyatli tamomladilar. Endilikda olgan bilim va ko’nikmalarini o’z darslarida targ’ib etishga tayyorlar.

18 noyabr – O‘zbekiston Davlat bayrog‘i qabul qilingan kun

“O‘zbekiston Respublikasi davlat bayrog‘i to‘g‘risida“gi qonun 1991 yil 18 noyabrda O‘zbekiston Respublikasi Oliy Kengashining navbatdan tashqari o‘tkazilgan VII sessiyasida qabul qilingan. Davlat ramzlari har bir xalqning mustaqilligi, ozodligi, tinchligi va barqarorligi timsoli hisoblanadi. Davlatchiligimiz tarixining qaysi davrini olmaylik, bayroq ajdodlarimiz uchun ozodlik, kuch-qudrat, jasorat, g‘alaba timsoli bo‘lgan.

Bayrog‘imiz 1992 yil 2 martidan O‘zbekiston to‘laqonli suveren respublika sifatida tan olinganining ramzi sifatida Birlashgan Millatlar Tashkilotining Bosh qarorgohi oldida ham hilpiray boshladi.

Aziz yurtdoshlar!

O‘zbekiston Respublikasi Davlat bayrog‘i qabul qilinganligining 33 yilligi munosabati bilan “O‘quv-mashgʻulot markazi” MCHJ Sizlarni muborakbod etadi!

21-oktabr o’zbek tiliga “Davlat tili” maqomi berilgan kun! Bu yil 35-yilligini keng nishonlayapmiz.

Til bayrami “O’quv-mashg’ulot markazida” ham tantanali ravishda o’tkaziladi. Bu yil “Davlat tili” sikl o’qituvchilari bayramona dastur asosida ochiq dars tayyorladilar. Ochiq dars bortkuzatuvchilarning boshlang’ich tayyorlov kursi tinglovchilari ishtirokida bo’lib o’tdi va o’zbek tilida yo’lovchilarni kutib olish va xizmat ko’rsatish jarayonida keng foydalanish zarurligi yana bir bor ta’kidlab o’tildi.

15-17 oktabr kunlari “O‘quv Masg’ulot Markazi” MChJ vakillari mutaxassislari Xavfsizlik madaniyati (ICAO EUR/NAT “Safety Culture Workshop”) bo‘yicha qadimiy va go‘zal Samarqand shahrida o‘tkazilgan seminarda ishtirok etishdi.

Ushbu muhim tadbirning asosiy maqsadi — aviatsiya sanoatida ijobiy xavfsizlik madaniyatini joriy etish va yanada rivojlantirish uchun asosiy ma’lumotlarni etkazish va ishtirokchilar o’rtasida bebaho tajriba almashishdir.

Seminar nafaqat nazariy muhokamalar maydoni, balki parvozlar xavfsizligini boshqarish tizimi sohasida bilimlarni chuqurlashtirish, amaliy tavsiyalar olish va hamkasblar bilan samarali hamkorlikni yo‘lga qo‘yish uchun real imkoniyatga aylandi. Har bir ishtirokchi parvozlar xavfsizligining dolzarb masalalarini muhokama qilib, umumiy ishga o‘z hissasini qo‘shishga muvaffaq bo‘ldi, shuningdek, amaliyotda qo‘llanilgan muvaffaqiyatli holatlar bilan o‘rtoqlashdi.

26- iyul kuni markazimiz reyterlari I.A.Abdullayeva, Sh.R.Saidova hamda o‘qituvchi M.M.Axrorovalar OPEN kurslarini tugatganlik to‘g‘risida Sertifikat taqdim etilishi uchun AQSh elchixonasiga tashrif buyurdilar. Ushbu kurs AQSh elchixonasi va turli amerika universitetlari ko‘magida tashkil qilindi. O‘qituvchilarimiz TESOL (boshqa til vakillariga ingliz tili o‘qitish), Ingliz tilini o‘qitishda tanqidiy fikrlash integratsiyasi va grammatika o‘qitish qoidalari bo‘yicha kurslarni muvaffaqiyatli tugatdilar. Xodimlarimiz uchun muhim qadamga ega bo‘lib, endilikda egallagan bilimlarini amaliyotda tadbiq etishga tayyorlar.

16 sentyabr kuni aeroportlar va samolyotlarda potentsial huquqbuzarni aniqlash va o’zini himoya qilish bo’yicha amaliy mashg’ulot o’tkazildi. Darsni o’tkazish uchun maxsus sikl katta o’qituvchisi  podpolkovnSh. R. Abdullayev o’quv markaziga taklif qilindi. Ushbu tadbir aviatsiya xavfsizligi bo’yicha kadrlar tayyorlash guruhi, katta o’qituvchi M. T. Lutfiraxmanova va o’qituvchi S. V. Reznikov tomonidan tashkil etildi Tekshiruv xodimlari va bortkuzatuvchilar bevosita ishtirok etdilar va o’zlarini himoya qilish usullarini o’rgandilar.

Юртимнинг гузаллиги, тадбирларнинг хилма-хиллигидан фахрланаман! Хонатлас фестивали доимгидек жуда чиройли, тадбирларга бой тарзда утди. Миллий анъана ва либосларимизни барчага курсатишда чарчамаймиз. Биз билан нафакат узбек миллати балки бошка миллат вакиллари хам миллий либосларимизга бефарк эмасликларини яна бир бор намоён этдилар. Тасанно юртим маликалари!!!

2024-yil 6-sentabr kuni “Uzbekistan Airways” aviakompaniyasi vakillari Xitoy fuqaro aviatsiyasi Universiteti vakillarini kutib oldilar. Ushrashuvdan ko‘zlangan asosiy maqsad, uchuvchilar tayyorlashda o‘zaro hamkorlikni yo‘lga qo‘yish masalalarini muhokama qilishdan iborat edi.  “O‘quv-mashg‘ulot markazi” MChJ dan Parvoz tayyorgarligi bo‘yicha direktor o‘rinbosari E.Z.Gulyamov, O‘quv ishlari bo‘yicha direktor o‘rinbosari D.Z.Xasanova va ingliz tili o‘qituvchisi D.A.Nasirovalar ishtirok etdilar. Tomonlar o ‘zaro hamkorlik qilishni yo‘lga qo‘yish bo‘yicha kelishib oldilar.

Joriy yilning 22 avgust kuni, aviakompaniya samolyotlarining tasvirlari tushgan rasmlari bilan aviakompaniyamiz rahbariyatining alohida e’tiborini qozonib o’ziga jalb qilgan, Novosibirsk shahridan kelgan bola Mixail Ptistsin va uning onasi uchun ekskursiya tashkil etildi. Ekskursiyadan maqsad aviakompaniyaning qanday ishlashini ko’rsatish, shuningdek “O’quv mashg’ulot markazi” MCHJdagi simulyatorga tashrif buyurish imkoniyatini taqdim etishdan iborat edi. Direktor Ulugʻbek Abdukarimovich yosh uchuvchi bilan bergalikda simulyator kompleksiga bo’lgan ekskursiyani shaxsan o’zlari uyushtirdilar.

Koreya aerokosmik universiteti talabalari Yozgi maktab dasturi doirasida “Uzbekistan Airways” AJ tarkibida boʻlgan “Oʻquv-mashq markazi” MChJ tashrif buyurdi.

Xalqaro hamkorlik doirasida 2023/2024-oʻquv yili uchun universitetimizga tashrif buyurgan Janubiy Koreya Respublikasining Koreya aerokosmik universiteti talabalariga “Uzbekistan Airways” AJ tarkibida boʻlgan “Oʻquv-mashq markazi” MChJ faoliyati bilan yaqindan tanishtirib oʻtildi. Tanishtiruv mobaynida talabalarga havo kemalari simulyatorlari hamda qutqaruv obyektlari haqida ham batafsil ma’lumotlar berib oʻtildi.

     “Chet tili” yo‘nalishi XKTG o‘qituvchisi Nilufar Abdullayeva qoraqalpoq xalq shoirlari she’rlarini qoraqalpoq tilidan ingliz tiliga tarjima qilish loyihasida hammuallif sifatida ishtirok etdi.  Kitob “Uch qoraqalpoq shoiri” deb nomlanib, mashhur qoraqalpoq shoirlari Ajiniyoz, Berdaq va Ibroyim Yusupovlarning she’rlaridan iborat.  Kitobda nafaqat qoraqalpoq sheʼrlari, balki bu xalqning qiziqarli faktlari, qimmatli anʼanalari, bebaho va betakror tarixi va madaniyati ham oʻrin olgan.  Qolaversa, ushbu tarjimalar orqali oʻquvchilar qoraqalpoqlarning butun tarixi va qadimiy hayoti haqida maʼlumotga ega boʻladilar.  Loyiha taniqli ingliz shoiri Andrew Staniland boshchiligida olib borildi.

23-noyabr kuni Parij shahrida ICAOning Yevropa/Shimoliy Atlantika mintaqaviy byurosida (ICAO EUR/NAT) ICAO standartlariga muvofiq til talablarini (LPRI TF/43) amalga oshirish bo‘yicha ishchi guruh ICAOning 56 a’zo davlatlaridan iborat ishchi guruh bizning mamlakatimiz nomidan – “Uzbekistan Airways” AJ “O’quv-mashg’ulot markazi” MChJ Direktor o’rinbosari I.A.Abdullayeva raisligida o‘z ishini boshladi. Yig’ilishda EASA, IATA, AOPA, EUROCONTROL, Xalqaro aviatsiya assotsiatsiyasi (ICAEA) kabi tashkilotlar ham ishtirok etmoqda. Yig‘ilishda globallashuv va til talablarini uyg‘unlashtirishga erishish bo‘yicha 4 yilga mo‘ljallangan yangi chora-tadbirlar rejasini ko‘rib chiqish va tasdiqlash rejalashtirilgan.

2023-yil 18-oktabr kuni “O‘quv-mashg‘ulot markazi MChJ “Davlat tili” yo‘nalishi bo‘yicha xodimlarni kasbga tayyorlash guruhi katta o‘qituvchisi D.Z.Xasanova tomonidan bortkuzatuvchilar malaka oshirish guruhida “Davlat tili” bayrami munosabati bilan “O‘zbek tili-milliy o‘zligimiz va mustaqil davlatchiligimiz timsoli!” Shiori ostida ochiq dars, ya’ni noan’anaviy dars o‘tkazildi. Darsda tinglovchila O‘zbek tilining tarixidan boshlab hozirgi kungacha bo‘lgan nufuzi, yorqinligi, bu tilda ijod qilgan va ijod qilayotgan adiblar haqida gaplashdilar.

Darsda “Yo‘lovchilarga yerda va sahnda xizmat ko‘rsatish” guruhi katta o‘qituvchisi T.S.Portnova ham kuzatuvchi sifatida ishtirok etdi.

Tinglovchilar o‘zaro fikr almashish bilan birga, yangi ma’lumotlarga ham ega bo‘ldilar.

Bizning O‘quv-mashg‘ulot markazimiz  “Chet tili” xodimlarni kasbga tayyorlash guruhi   o‘qituvchilari L.V.Savchenko  va Sh.R.Saidova, hamda “Davlat tili” xodimlarni kasbga tayyorlash guruhi  katta o‘qituvchisi D.Z.Xasanova 2023-y.18.09 – 2023-y.20.09 kunlari Turkiyaning Istanbul shahrida Turk Havo Yoʻllari Aviatsiya Akademiyasi tomonidan tashkil etilgan Xalqaro Aviatsiya ingliz tili assotsiatsiyasi (ICAEA)ning “Aviatsion ingliz tilini oʻqitishning hozirgi tendensiyalari va kelajak istiqbollari” nomli konferensiyasida ishtirok etdilar.

Ushbu konferentsiya aviatsiya mutaxassislarining turli toifalariga ingliz tilini o‘rgatish bilan bog‘liq dolzarb muammolar, shuningdek, o‘quv jarayonida yangi texnologiyalar va zamonaviy usullardan foydalanish imkoniyatlariga bag‘ishlandi. Anjumanda 38 dan ortiq davlat vakillari ishtirok etib, oʻquv dasturlari va materiallarini ishlab chiqish, mutaxassislar tayyorlashda maʼlumotlar tahlilining ahamiyati, aviatsion ingliz tilini oʻrgatishda sunʼiy intellekt imkoniyatlari va standart radioaloqa iboralari imkoniyatlarini muhokama qilishdi.

                 “O‘quv-mashg‘ulot markazi” MChJ O‘zbekiston Respublikasi mustaqilligining 32 yilligi bilan tabriklaydi!

              Sizga va yaqinlaringizga sihat-salomatlik va baxt-saodat, farovonlik va farovonlik, buyuk Vatanimiz ravnaqi yo‘lidagi ishlaringizda muvaffaqiyatlar va ezgu tashabbuslar tilab qolamiz!

             Bizda faxrlanadigan narsa bor va biz kelajakka ishonch bilan qaraymiz!

                  Yurtimizda doimo tinchlik va osoyishtalik hukm sursin, Vatanimiz osmoni musaffo bo‘lsin!

O‘zbekiston Respublikasi Mustaqilligining 32 yilligi va Havo floti kuni munosabati bilan “O‘quv-mashg‘ulot markazi” mas’uliyati cheklangan jamiyati xodimlari “Uzbekistan Airways” AJ tomonidan faxriy yorliq bilan taqdirlandilar.

2023-yil 6-iyuldan 12-iyulga qadar “Yo’lovchilarga yerda va sahnda xizmat ko’rsatish va aviatsiya tibbiyoti” yo’nalishi bo’yicha xodimlarni kasbga tayyorlash guruhi o’qituvchilari T.S.Portnova, Sh.T.Ubaydullayeva, A.V.Stepanova va Ya.I.Naumovalar yangi A-330 Havo kemasini o’rganish uchun o’qishga yuborildilar. Kurs Rossiyaning Moskva shahridagi “Aeroflot aviatsiya maktabi” XKTM da bo’lib o’tdi. O’qish davomida HK tuzilishi va ekspluatatsiya tizimlari va uskunalari, sahn avariya-qutqaruv uskunalari va ularni qo’llash qoidalari bo’yicha mashg’ulotlar o’tkazildi, o’qituvchilar yangi turdagi A-330 HK avariya-qutqaruv tayyorgarligi bo’yicha amaliy ko’nikmalarga ega bo’ldilar. Yaqin kunlarda “O’quv-mashg’ulot markazi” MChJ Airbus-330 havo kemasiga xodimlarni tayyorlash kurslarini o’tkazish huquqini beruvchi sertifikatsiyadan o’tadi. Eslatib o’tamiz, ushbu turdagi havo kemasidan O’zbekiston Respublikasi hududida faol foydalanilmoqda. Ikkita qulay bo’lgan Airbus-330 havo kemalari Uzbekistan Airways qatnovlarini bajarmoqda, shu bilan birga yangi turdagi ushbu havo kemasi boshqa aviakompaniyalar flotini ham to’ldiradi.

5-7-iyul kunlari ICAO keng miqyosdagi aviatsiya sammiti bo’lib o’tmoqda. “O’quv-mashg’ulot markazi” MChJ o’quv ishlari bo’yicha direktor o’rinbosari Inna Abdullayeva ushbu tadbirda ishtirok etmoqda. Jahon aviatsiya sohasining yaxshilanishiga qaramay, texnik soha va rahbarlik lavozimlarida yaqqol gender bo’linish kuzatilmoqda. Xalqaro fuqaro aviatsiyasi tashkiloti (ICAO) ma’lumotlariga ko’ra, uchuvchilik, texnik, aviadispetcher va rahbarlik lavozimlarida bor yo’g’i 4,9% ayollar faoliyat yuritmoqda. Ispaniyaning Madrid shahrida 5-7-iyul kunlari gender tenglikni ta’minlash bo’yicha o’tkazilayotgan keng miqyosdagi sammit, mazkur sohada to’siqlarni bartaraf etish va muammolarga yechim topishda barcha aloqador tomonlar uchun hamjihatlikda ishlash maydonchasi sifatida xizmat qiladi.

5 iyul kuni “Uzbekistan Helicopters” aviakompaniyasi muhandis-texnik xodimlaridan iborat guruhi O‘zbekiston Respublikasida yangi rusumdagi L-410 UVP E20 samolyotini o’rganishni boshladi. Ta’lim “O’quv-mashg’ulot markazi” MChJ negizida olib boriladi. L-410 samolyotlarini ishlab chiqaruvchi “LET Aircraft Industries” kompaniyasi mutaxassislar tayyorlash va har tomonlama texnik yordam ko‘rsatish uchun O‘zbekistonga tajribali instruktorlarni yubordi. “LET Aircraft Industries” samolyot ishlab chiqaruvchi kompaniyasining shtab-kvartirasi Chexiya Respublikasining Ugerske Gradishte tumani, Kunovice shahrida joylashgan.

2023-yilning 1-iyul kuni O‘zbekiston Respublikasi Mudofaa vazirligi Oliy Harbiy Aviatsiya bilim yurti boshlig‘ining taklifiga binoan Fuqaro aviatsiyasi uchuvchilarining boshlang‘ich tayyorlov kurslari tinglovchilari Qarshi shahriga yo‘l oldi. Bilim yurti boshlig‘i, polkovnik A.A.Xamrayev, maktab o‘qituvchi va instruktorlari “Uzbekistan Airways” AJning bo‘lajak uchuvchilarini mehmondo‘stlik bilan kutib olib, ularga ta’lim muassasasi uchun mavjud barcha zamonaviy infratuzilma obyektlari va o‘quv jihozlarini ko‘rsatib berdilar. “O‘quv-mashg’ulot markazi” mas’uliyati cheklangan jamiyati delegatsiyasining har bir a’zosi mamlakatimiz harbiy-havo kuchlari va havo hujumidan mudofaa uchun harbiy uchuvchilar va boshqa aviatorlarning yuqori tayyorgarligini shaxsan tekshirishga muvaffaq bo‘ldilar. Tinglovchilar bir kun davomida o‘zlarini Harbiy aviatsiya bilim yurti kursantlaridek his qilishlari, o‘z hamkasblari – bo‘lajak harbiy uchuvchilarning hayoti, o‘qishi, kundalik turmushi, taomlari bilan yaqindan tanishishlari mumkin bo’ldi. Ushbu tadbir nafaqat fuqarolik va harbiy mutaxassislar o‘rtasidagi o‘zaro anglashuvga, balki yosh, endi ish boshlayotgan aviatorlarda ertangi kunga ishonch tuyg‘usini, mamlakatimiz rahbariyati tomonidan mudofaa qobiliyatini mustahkamlash borasida va harbiy oliy o’quv yurtlarida kadrlar tayyorlash sifatini yaxshilash borasida amalga oshirilayotgan barcha ishlardan faxrlanish tuyg‘usini rivojlantirishga xizmat qiladi. Kun so‘ngida Oliy harbiy aviatsiya bilim yurti kursantlari, rahbarlari va o‘qituvchilari ishtirokida qizg‘in jonli suhbat bo‘lib o‘tdi. “O‘quv-mashg’ulot markazi” MChJ rahbariyati taklif va samimiy qabul uchun Bilim yurti komandirlari va xodimlariga samimiy minnatdorchilik bildiradi.

ИКАО стандартлари бўйича Ўзбекистон Республикаси фуқаро авиациясида инглиз тилини жорий этиш.

Бугун, 5 июнь куни Самарқанд шаҳрида ИСАО талаблари асосида инглиз тилини татбиқ этиш бўйича ишчи гуруҳ йиғилиши (LPRI TF/42) ўз ишини бошлади. Йиғилишда Австрия, Дания, Грузия Қозоғистон, Молдова, Полша, Россия Федерацияси, Мальта, Марокаш, Ўзбекистон, шунингдек, ICАО, EАSА, IATA, АОРА, Халкаро Авиация Инглиз Ассоциацияси (ІСАЕА) Кенгашининг штаб- квартираси ва Европа/Шимолий Атлантика минтақавий бюроси вакиллари иштирок этди. Ушбу йиғилиш Транспорт вазирлиги ва “Ўзавиация” агентлиги томонидан, ИКАО ҳамкорлигида  ўтказилмоқда. Йиғилишни “Ўзавиация” агентлиги директори Назаров Тоҳир Алимжанович очиб берди. У ушбу тадбирнинг Ўзбекистон Республикаси фуқаро авиациясида ИКАО стандартларини жорий этишни ривожлантиришда муҳимлигини таъкидлади. Йиғилишда инглиз тилини билиш даражасини баҳолаш, инглиз тили бўйича тест утказувчи ташкилотларни назорат қилиш, ўқитувчиларга қўйиладиган талабларни уйғунлаштириш, давлатлар томонидан берилган сертификатларни тан олиш масалаларини кўриб чикиш режалаштирилган.

Aviatsiya sohasida professional ingliz tilini bilish talablarini amalga oshirish bo’yicha ICAO yig’ilishi bo’lib o’tadi. Aviatsiya ingliz tilini bilish talablarini (LPRI TF/42) amalga oshirish bo‘yicha EASPG Yevropa rejalashtirish maqsadli ishchi guruhining yig‘ilishi 2023-yilning 5-7-iyun kunlari Samarqand shahrida bo‘lib o‘tadi. Bo‘lajak tadbir kun tartibidan ingliz tilini bilish bo‘yicha talablarni amalga oshirish, malaka testini ishlab chiqish, onlayn test sinovlarini o‘tkazish, shuningdek, til test markazlari faoliyatini nazorat qilish bilan bog‘liq masalalarni ko‘rib chiqish o‘rin olgan. Yig‘ilish 7-iyun kuni o‘tkazilishi rejalashtirilgan “Yutuqlar, muammolar va yechimlar” deb nomlangan seminar bilan yakunlanadi.

Bulutlardanda yuqorida parvoz qilishni orzu qilganmisiz? Balki dunyoning 100dan ortiq shaharlarini o‘z ko‘zingiz bilan ko‘rishni yoki turli davlatlarni balanddan kuzatishni orzu qilasizmi?

Agar siz dunyodagi eng masuliyatli, ajoyib va istiqbolli kasblaridan birini egalashga tayyor bo‘lsangiz unda siz fuqaro aviatsiya uchuvchisi bo‘lishingiz kerak.

Uzbekistan Airways O‘quv-mashg‘ulot markaziga xush kelibsiz!

“O’quv-mashg’ulot markazi” MChJ o’qituvchilari M.M.Axrorova va Ye.M.Anoxina Toshkent shahri Vestminstr universitetida o’tkazilgan 4-Xalqaro ta’lim va tilshunoslik konferensiyasida  (ICEL) ishtirok etdilar. O’zbekiston Respublikasining turli burchaklaridan kelgan ishtirokchilar, hamda Buyuk Britaniya, AQSh va Shvetsiya davlatlari ekspertlari til ta’limidagi zamonaviy tendensiyalar,  o’quv dasturlarini yaratish va o’quv qo’llanmalarini ishlab chiqish, ingliz tilini o’qitishda zamonaviy texnologiyalarning roli haqida muhokamalar olib bordilar. M.M.Axrorova “Aviatsion ingliz tilini o’qitishda ona tilining ahamiyati” mavzusidagi ma’ruza bilan chiqish qildi.

Ayni damda ona zaminimiz sayqali Samarqand shahrida “Aeronavigatsiya xizmatlarini joriy etish” (ANSISG-Air Navigation Services Implementation Support Group/06) va “Uchuvchisiz tizimlar parvozlarini tashkil etish” (UTM U-Space, Urban Air Mobility) bo’yicha Yevropa va Shimoliy Atlantika ICAO guruhining 6-xalqaro yig’ilishi (Forumi)ning ochilish marosimi bo’lib o’tmoqda.

2023-yil 2-may kuni “O’quv-mashg’ulot markazi” MChJ bazasida aviatsiya kasblarini, xususan, uchuvchilik va Parvoz dispetcherligi-Flight Dispatch/Operativ boshqaruv markazi-Operational Control Center parvozlarni qo‘llab-quvvatlash xodimi kasblarini ommalashtirishga qaratilgan “Ochiq eshiklar kuni” tadbiri o‘tkazildi. Tadbirda mehmonlar nomidan Turin Politexnika Universiteti talabalari ishtirok etdi. “Uzbekistan Airways” AJ tomonidan boshqaruv raisi Sh.Sh.Xudayqulov, parvoz xizmati va “O‘quv-mashg’ulot markazi” MChJ rahbarlari. Aviatorlar va aviakompaniya vakillari o‘rtasida qizg‘in suhbat bo‘lib o‘tdi. Aviatsiya boʻlinmalari rahbarlari “Uzbekistan Airways” AJning o’z oʻquv markazi bazasida uchuvchilar va boshqa mutaxassislarni qabul qilish va oʻqitishdan manfaatdor ekanliklarini ta’kidladilar. Nomzodlarga qo‘yiladigan talablar, hamda bo‘lajak uchuvchilarni tayyorlash va ishga joylashtirish ssenariylari atroflicha tushuntirildi. Bugungi mehmonlarimizni Uzbekistan Airways aviatorlari va xodimlari orasida ko‘ramiz, degan umiddamiz. Bu kabi tadbirlar muntazam ravishda davom ettiriladi.

2023-yil 27-aprel kuni “O’quv-mashg’ulot markazi” MChJda mehnat jamoasining umumiy yig‘ilishi va korxona kasaba uyushmasi konferensiyasi bo‘lib o‘tdi, kun tartibida tegishli ravishda jamoa shartnomasining bajarilishi va kasaba uyushmasi byudjetining 2022-yil uchun smetasi bajarilishi yuzasidan masalalar ko‘rib chiqildi. Yangi Mehnat kodeksi va boshqa dolzarb mavzular bo’yicha ma’lumotlar berildi. Konferensiyada Oʻzbekiston aviatsiya xodimlari RK raisining oʻrinbosari ishtirok etdi. Konferensiya ishi samarali va do‘stona ruhda o‘tdi. Xodimlar o‘zlarini qiziqtirgan barcha savollarga javob oldilar!

“Uzbekistan Airways” aviakompaniyasining o‘quv-mashg’ulot markazi uchuvchilarni boshlang’ich tayyorlash bo‘yicha o‘z loyihasini rivojlantirmoqda. Hozirda ushbu kurslarda texnika oliy o‘quv yurtlarining 15 nafar bitiruvchisi tahsil olmoqda, ular uchuvchilik kasbini puxta egallamoqda. Shu bilan birga, havo transportining jadal rivojlanishi kurs ishtirokchilari sonini yiliga 50 kishigacha oshirishni talab qiladi. Markazimizda o‘quv bazasini kengaytirish maqsadida bir dvigatelli “FNPT Cessna 172” samolyotining yangi trenajyori foydalanishga topshirildi. Ushbu trenajyor Gollandiyada “TRC simulators” tomonidan ishlab chiqarilgan va uchuvchilarni tayyorlash bo’yicha ICAO standartlari talablariga javob beradi. Joriy yil oxiriga qadar “Uzbekistan Airways” aviakompaniyasi bo‘lajak aviatorlarni boshlang’ich tayyorlash uchun yana bir trenajyorni foydalanishga topshirishni rejalashtirmoqda, shuningdek, o‘zining Cessna o‘quv-mashg’ulot samolyotini xarid qilish bo‘yicha muzokaralar olib bormoqda.

“Uzbekistan Airways Techinics” mas’uliyati cheklangan jamiyati hududida O‘zbekiston Respublikasi Konstitutsiyasining bo‘lajak referendumiga bag‘ishlangan tadbir bo‘lib o‘tdi.

Respublika bo‘ylab “Konstitutsiya meniki, sеniki, bizniki! Konstitutsiya hammamizniki” mavzusida olib borilayotgan tashviqot tadbirlarida san’atkorlar, jamoat arboblari, faollar chiqish qildilar.

Ushbu tadbirda “O‘quv-mashg’ulot markazi” mas’uliyati cheklangan jamiyati xodimlari ishtirok etdi.

“O‘quv-mashg‘ulot markazi” MChJ vakillari I.A.Abdullayeva va A.R.Nuritdinovalar 2023-yil 23-24-mart kunlari Vena (Avstriya) shahrida o‘tkazilgan ICAO tadqiqot ishchi guruhining til talablarini amalga oshirish va aviatsion ingliz tilini sinovdan o‘tkazish bo‘yicha Qo‘llanmani yaratish bo‘yicha yig‘ilishda ishtirok etdilar.

Mazkur yig‘ilish ishchi guruhining Test sinovlari Qo‘llanmasi bo‘yicha olib borayotgan ishlari doirasidagi   uchinchi uchrashuvidir. Xalqaro tilshunoslar, sanoat vakillari va test tuzish bo‘yicha mutaxassislar  ICAEA aviatsiya ingliz assotsiatsiyasi tomonidan taqdim etilgan yo‘riqnomalarni muhokama qildilar va sharhladilar.

Aziz do’stlar!

“O’quv-mashg’ulot markazi” MChJ kompaniyasining nomidan sizni bahorning go’zal ayyomi — Navro’zi olam bilan tabriklaymiz!

Ushbu yorug’ kuningiz quvonch, tabassum va niyatlar ijobatini tilaymiz.

Atrofingizda yaqin va qadrdonlar bo’lsin, sevimli insonlarning ovozi yangrasin, ko’ngilsizliklar esa yaqinlashmasin.

Baxtli va sog’-salomat bo’ling.

Xalqaro xotin -qizlar kuni bilan tabriklaymiz!

“O’quv-mashg’ulot markazi” MChJ jamoasi barcha ayollarni bayram bilan muborakbod etadi!

Butun jamoamiz nomidan sizni bayram bilan tabriklab, kasbiy yutuqlar va oilaviy hotirjamlik tilaymiz. Hech qanday ko’ngilsizlik sizning kayfiyatingizga salbiy ta’sir qilmasin. Bayram kunlari va doimo xushkayfiyat tilaymiz! Birgalikdagi faoliyatimizdagi hissangiz uchun va iliq qalbingiz uchun minnatdormiz.

Aziz hamkasblarimiz!

Sizni 8-mart bilan tabriklaymiz!

Sizga mustahkam sog’liq, bahoriy kayfiyat, yotqin hayot, orzular ushalishini, quvnoq bayramlar, xushkayfiyat, baxtli tabassum, kutilmagan sovg’alar, qaynoq quchoq, yoqimli so’zlar, qalb hotirjamligini va ertangi kunga ishonch tilaymiz. Sizning jozibangiz oy va quyoshni so’ndirsin. Ko’zlaringiz muhabbatdan porlasin va bu bahor bayrami sizga takrorlanmas taassurotlar baxsh etsin. Hamisha sevimli va suyukli bo’ling.

Sizga yangi yutuqlar tilab qolamiz!

MChJ “O‘quv mashg’ulot markazi” negizida 2023-yil 2-mart kuni yong‘in xavfsizligi bo’yicha o’quv mashg‘uloti o‘tkazildi. Ushbu tadbirda ishtirok etish uchun yong‘in-qutqaruv va qidiruv-qutqaruv otryadlari mutaxassislari o‘z texnika va anjomlari bilan yetib keldi. Mashg‘ulotlar davomida yong‘in sodir bo‘lganda qanday harakatlar qilish kerakligi ko‘rsatib berildi, shuningdek, xodimlar va mehmonlarni tabiiy va texnogen xususiyatli favqulodda vaziyatlarda tezkor harakat qilish uchun zamonaviy qutqaruv mashinalari va jihozlari bilan tanishtirildi. Tadbir O‘zbekiston Respublikasi Favqulodda vaziyatlar Vazirligi tashkil etilganining 27 yilligiga bag‘ishlandi. Ushbu tadbirning barcha ishtirokchilari favqulodda vaziyatlarda, shuningdek, baxtsiz hodisalarda birinchi tibbiy yordam ko’rsatishda o’zlarining professionalligini ko’rsatdilar.

2023-yil yanvar-fevral oylarida “O‘quv-mashg’ulot markazi” MChJ mutaxassislari K.S.Viktorenko, G.V.Vershinin, D.Z.Xasanova, Sh.K.Umarova Olmaota shahridagi (Qozog’iston) “Kazaeronavigatsiya” RDKda “TRAINAIR PLUS aviatsiya mutaxassislarining global tayyorgarligi” ga muvofiq ICAOdasturlarini ishlab chiquvchilarni tayyorlash kursida (TDC RU) muvaffaqiyatli o’qib, yuqori professionallik ko’rsatdilar.

Vatan himoyachilari kuni bilan muborakbod etamiz!

11-yanvar kuni O’quv-mashg’ulot markazida O‘zbekiston Respublikasi Qurolli Kuchlari kunini nishonlashga bag‘ishlangan tadbir bo‘lib o‘tdi. Tadbirda O‘zbekiston Respublikasi Qurolli Kuchlari tashkil topgani haqida hujjatli film va O‘zbekiston Respublikasi Qurolli Kuchlari haqida ma’lumotlar taqdim etildi.

Bayram arafasida barcha Vatanimiz himoyachilarini bayram bilan tabriklab, ularga mustahkam sog‘liq tilaymiz, yurtimiz osmoni musaffo bo‘lgani uchun ularga cheksiz minnatdorchilik bildiramiz.

Aziz yurtdoshlar, sizlarni O‘zbekiston Respublikasi Konstitutsiyasi qabul qilinganining 30 yilligi bilan tabriklaymiz.  

Mamlakatimizning asosiy qonuni – davlat barqarorligi va taraqqiyotining poydevori, har bir o‘zbekistonlik huquq va erkinliklarining kafolatidir! U doimo xavfsizlik, himoya va kelajakka ishonch ramzi bo’lib qolsin.

Sizga sihat-salomatlik, barqarorlik va farovonlik tilaymiz!

“O’quv-mashg’ulot markazi” MChJ barcha hamkasblar – aviatorlarni Xalqaro fuqaro aviatsiyasi kuni bilan tabriklaydi!

Xalqaro fuqaro aviatsiyasi kuni 1994-yilda ICAO ning 50 yilligiga bag’ishlangan tadbirlar doirasida tashkil etilgan. 1996-yilda ICAO tashabbusi va Kanada hukumati koʻmagida Birlashgan Millatlar Tashkiloti Bosh Assambleyasi BMT tizimida 7-dekabrni Xalqaro fuqaro aviatsiyasi kuni sifatida rasman tan oldi.

Bizning korxonamiz xodimlari ICAO homiyligidagi ko’plab tadbirlar va loyihalarda faol ishtirok etadi. Biz ICAOda nafaqat O‘quv-mashg’ulot markazini, balki O‘zbekiston Respublikasining butun fuqaro aviatsiyasini munosib tarzda taqdim etamiz.

Noyabr oyida Oʻquv-mashg’ulot markaziga ICAO mintaqaviy direktori janob Nikolas Rallo tashrif buyurdi va u bizning aviatsiya oʻquv-mashg’ulot markazimizning infratuzilmasi va Markaziy Osiyodagi barcha aviatsiya xodimlarining malakasini saqlab qolish borasidagi saʼy-harakatlarini yuqori baholadi.

Barcha aviatorlar va osmonga oshiq odamlarga bayram muborak bo’lsin!

2022-yil 14-noyabrdan 18-noyabrga qadar “Yerda va sahnda yo‘lovchilarga xizmat ko‘rsatish va aviatsiya tibbiyoti” yo‘nalishi bo‘yicha guruh o‘qituvchilari Portnova T.S., Ubaydullaeva Sh.T., Lutskevich E.V. ATR 42/72 samolyot turiga qayta tayyorlashga yuborildi.

Kurs Rossiyaning Krasnoyarsk shahrida “Bortkuzatuvchilar maktabi”da bo’lib o’tdi. Mashg‘ulotlar davomida havo kemalari tizimlari va jihozlaridan foydalanish, bortdagi avariya vositalari hamda ulardan foydalanish qoidalari bo‘yicha mashg‘ulotlar o‘tkazildi, o‘qituvchilar ATR 42/72 rusumli samolyotlar uchun favqulodda vaziyatlarda qutqaruv ishlarini amaliy o‘qitish bo‘yicha ko‘nikmalarga ega bo‘ldilar.

Muvaffaqiyatli treningdan so’ng o’qituvchilar eng yuqori standartdagi sertifikatlarga ega bo’lishdi va ushbu turdagi samolyotlar uchun o’qitishga kirishdilar.

Qadrli do’stlar! “O’quv-mashg’ulot markazi”MChJ barchangizni O’zbekiston Respublikasi mustaqillik bayrami bilan muborakbod etadi!

2022-yil 26-avgust kuni “O‘quv-mashg‘ulot markazi” MChJ majlislar zalida “Uzbekistan Airports” tashkiloti va “Uzbekistan Airways” AJ tarkibiy bo‘linmalari xodimlari uchun  O‘zbekiston Respublikasi Mustaqilligining 31 yilligiga bag‘ishlangan Ma’rifat soati o‘tkazildi. Tadbirga rahbar xodimlar, shoir Bobur Bobobmurod, Aviatsiya prokurori Sh.T.Mamajanov va “O‘zlidep” partiyasi faol a’zosi taklif qilindi. Tadbir ko‘tarinki ruhda, bayram nashidasi ila olib borildi. So‘zga chiqqanlar mustaqillikning ilk yillariga nazar soldilar va hozirgi yutuqlarimiz haqida to‘lqinlanib gapirdilar. Yoshlarga tanlangan yo‘limizdan og‘ishmay ildam qadam tashlash lozimligini tushuntirdilar.

2022-yil 26-avgust kuni “O‘quv-mashg‘ulot markazi” MChJ “Davlat tili” XKTG katta o‘qituvchisi D.Z.Xasanova tomonidan “Uzbekistan Airways” AJ tarkibiy bo‘linmalari ish yurituvchi xodimlari uchun navbatdagi o‘quv seminari o‘tkazildi. Bu navbat bo‘yicha 4-seminar bo‘lib, bugungi dars amaliy mashg‘ulot tarzida o‘tkazildi. Tinglovchilar o‘zlari uchun qiziq bo‘lgan savollarga birgalikda javoblar oldilar. Yil oxiriga qadar bunday seminarlar har oyning oxirgi jumasida o‘tkazib boriladi.

“DARYO” telekanali bortkuzatuvchilar boshlang’ich tayyorgarligi haqida reportaj tayyorladi. Tayyorlov nazariy va amaliy qismlardan iborat bo’lib, ular bilan siz reportajda va bizning roligimizda tanishishingiz mumkin. Bortkuzatuvchi kasbiga qiziqqanlar butun jarayon qanday o’tishini bilib olishlari mumkin. Bortkuzatuvchi kasbiga tanlov 2022-yil 5-sentabrdan qayta davom ettiriladi.

Bortkuzatuvchi kasbiga o’qishga qiziqqan shaxslar diqqatiga.

Sizga shuni maʼlum qilamizki, Shifokorlar-parvoz ekspert komissiyasi tibbiyot xodimlarining rejalashtirilgan taʼtillari munosabati bilan Fuqaro aviatsiyasi bortkuzatuvchilari boshlangʻich tayyorlov kurslarida oʻqishga nomzodlarni koʻrib chiqish 2022-yil 5-avgustdan 5-sentabrga qadar boʻlgan muddatga toʻxtatiladi.

O‘quv-seminari 2022-yil 24-iyun kuni “Uzbekistan Airways” AJ va tarkibiy bo‘linmalarining ish yurituvchi xodimlari uchun AJ “O‘quv-mashq markazi”da “Davlat tilida ish yuritish bo‘yicha” o‘quv-seminari tashkil etildi. Mashg‘ulotni Markazning “Davlat tili” yo‘nalishi bo‘yicha xodimlarni kasbga tayyorlash guruhi katta o‘qituvchisi Dildora Xasanova qizaqarli tarzda o‘tkazdi. Jonli muloqot sifatida o‘tgan bu seminarda ishtirokchilar faol ishtirok etdilar va mashg‘ulot yakunida bu kabi o‘quv-seminarlarini har oyda tashkil etishga kelishib olindi.

9- May Xotira va Qadrlash kuni munosabati bilan o‘tganlarni yod etish va mehnat faxriylarini qadrlash maqsadida, “O‘quv-mashg‘ulot markazi” MCHJ ma’muriyati, kasaba uyushmasi, ayollar qo‘mitasining bir guruh faollari “O‘quv-mashg‘ulot markazi” MCHJ mehnat faxriysi Zulfiya Karabasova xonadoniga sovg‘a-salomlar bilan tashrif buyurdilar. Tashrifdan ko‘zlangan asosiy maqsad, inson qadri buyukligi, kattalarga bo‘lgan  hurmat-e’tiborni ko‘rsatish, va shu bilan birga o‘ksik dillarga quvonch ulashishdir.

2022-yil 6-may kuni “O’quv-mashg’ulot markazi” MChJ yoshlar ittifoqi yetakchisi I.G.Zuxurova, hamda yoshlar faollari V.A.Grigoryan, M.M.Sugurbayev, J.F.Raxmatillayev “Uzbekistan Airways” AJ mehnat Faxriylari bilan birgalikda ikkinchi jahon urushi qatnashchilari qabrlarini ziyorat qildilar. Veteranlarni xotirlab, qabrlariga guldastalar qo’ydilar. Ular qalbimizda mangu yashaydilar.

3-may kuni “O‘quv-mashg‘ulot markazi” MChJ direktorining o‘quv ishlari bo‘yicha o‘rinbosari Inna Abdullayeva yetakchi hisoblangan ICAO “Davlatlarni qo‘llab-quvvatlash” kichik guruhining – Til bilish talablarini tadbiq qilish ikkinchi xalqaro vebinari bo‘lib o‘tdi.  Ushbu guruh a’zolari turli tashkilotlar va mamlakatlar mutaxassislari: fuqaro aviatsiyasi Agentliklari, o‘quv tashkilotlari, aeronavigatsiya xizmatlarini ko‘rsatuvchi provayderlar, ICAEA; Niderlandiya, Shveytsariya, Xorvatiya, Shimoliy Makedoniya, Vengriya, Germaniya, Ruminiya va O‘zbekiston –  vakili “Chet tili” XKTG katta o‘qituvchisi Aelita Nuritdinova ishtirok etdilar.

Vebinarlar seriyasi imkon qadar koʻproq mamlakatlarni qamrab olishga va ICAOga oʻzgarish kiritish kerak bo‘lgan sohalarni aniqlashga, davlatlarni qoʻllab-quvvatlashga va tilni tatbiq etish boʻyicha global miqyosda umumiy qarashlarni ishlab chiqishga yordam beradi.

Birinchi vebinar  sobiq sovet ittifoqi mamlakatlari uchun o‘tkazilgan edi.

Ikkinchi vebinar Boltiqboʻyi davlatlari va Yevropa uchun oʻtkazildi: Albaniya, Andorra, Avstriya, Belgiya, Bosniya va Gersegovina, Bolgariya, Xorvatiya, Kipr, Chexiya, Daniya, Finlyandiya, Fransiya, Germaniya, Gretsiya, Vengriya, Islandiya, Irlandiya, Isroil, Malta, Monako, Chernogoriya, Niderlandiya, Shimoliy Makedoniya, Norvegiya, Polsha, Portugaliya, Ruminiya, San-Marino, Serbiya, Slovakiya, Sloveniya, Ispaniya, Shvetsiya, Shveytsariya, Buyuk Britaniya.

Siz bilan vebinar qanday tashkil etilgani va o‘tkazilgani haqidagi fikr-mulohazalar bilan bo‘lishmoqchimiz.

Aprel oyida “O‘quv-mashg‘ulot markazi” MChJ “Davlart tili” yo‘nalishi bo‘yicha xodimlarni kasbga tayyorlash guruhi tomonidan ishlab chiqilgan yangi “Ish yurituvchilar” uchun tashkil etilgan kursning birinchi guruhi tahsil oldi. Ushbu kurs o‘zbek tilida erkin gaplasha oladigan aviaxodimlar-ish yuritish bilan shug‘ullanuvchi xodimlar uchun mo‘ljallangan. Guruh tinglovchilari “O‘zbekiston aeronavigatsiya markazi” DUK xodimlari kurs dolzarbligi, aynan ish yuritishda qo‘llaniladigan qoidalar, hujjatlarni yuritish asoslari va yozuv xususiyatlari bilan tanishib,  minnatdorchilik bildirdilar.

U.Mansurova: Darslar yuqori sa’viyada o‘tkazildi. O‘qituvchimiz Dildora Zikrillayevna Xasanovaning ko‘p yillik tajribasi, mahorati va tinmay o‘z ustida ishlashi sezilib turdi. Kursdan o‘zim uchun ko‘p bilim va ko‘nikmalar oldim.

R.Nurimov: Ustozimizga o‘zbek tilining sofligi, ijtimoiy hayotimizda e’tiborini oshirish, xodimlar orasida davlat tilini to‘laqonli joriy etishni ta’minlash, davlat tili sifatida o‘zbek tilini o‘rganish va til siyosatini rivojlantirish hamda o‘zbek tilining davlat tili sifatidagi nufuzi va mavqeini osirish bo‘yicha olib borayotgan faoliyati uchun tashakkur izhor etmoqchiman.

 “Сhet tili” yoʻnalishi bo‘yicha XKTG oʻqituvchilari Savchenko Lyudmila Valentinovna va Shaxnoza Raxmadjanovna  Saidova Toshkentdagi Webster universitetining WUTICCELT 2022 (Webster University Tashkent International Conference on Creativity and English Language Teaching) ingliz tilini o’rgatish va ijodkorlik xalqaro konferensiyasida ishtirok etdilar.. Ushbu konferensiya ingliz tilini o‘qitishda innovatsion yondashuv va usullarga bag‘ishlandi. Konferensiya boʻlimlaridan biri aviatsiya, farmatsevtika kabi turli sohalarda professional ingliz tilini oʻqitishga bagʻishlandi. L.V.Savchenko va Sh.R.Saidova

 “Aviatsiya mutaxassislarining ingliz tilini bilish darajasini oshirishga zamonaviy yondashuvlar” va “Aviatsiya mutaxassislarining til kompetensiyasini rivojlantirish uchun ta’lim dasturlarini o‘zgartirishning dolzarbligi” mavzularida o‘z taqdimotlarini taqdim etdilar. Taqdimotlar aviatsiya mutaxassislari uchun professional ingliz tilini o‘rgatishda qo‘llaniladigan innovatsion usullarga bag‘ishlandi. O‘qituvchilar professional ingliz tilini o‘rgatish bo‘yicha o‘z tajribalari bilan o‘rtoqlashdilar. Ma’ruzalarning materiali va mazmuni anjuman ishtirokchilarida katta qiziqish uyg‘otgani ta’kidlandi.

Joriy yilning 1-aprel kuni Toshkent davlat transport universitetida transport sohasi tashkilotlari rahbarlari va yoshlar uchrashuvi bo‘lib o‘tdi.
⠀
Tadbirda aviatsiya sohasi vakillari ishtirok etdi. Uchrashuvda tashkilotlar faoliyatining texnik-iqtisodiy tavsifi, kadrlar siyosatining salohiyati, xodimlar uchun yaratilgan shart-sharoitlar va O‘zbekiston yoshlarini transport sohasida ishga joylashtirish masalalari muhokama qilindi.

Navro’z bilan bahor bayrami bilan

Mening tabriklarimni qabul qiling!

Issiqlik va Mehribonlik tilayman

Va bahorning yorqin quyoshi!

Ruhda qulaylik tilayman

Va samimiy, sof quvonch,

Va har doim boshida

Faqat yorqin fikrlar tug’ildi!

2022-yil mart oyida direktor o’rinbosari I.A.Abdullayeva va “O’quv-mashg’ulot markazi” MChJ o’qituvchilari A.R.Nuritdinova, Sh.T.Ubaydullayeva, K.A.Kalichko Olmata shahrida (Qozog’iston) “Kazaeronavigatsiya” RGPda “TRAINAIR PLUS aviatsiya mutaxassislarining global tayyorgarligi”ga muvofiq ICAO instruktorlarini tayyorlash kursida ta’lim oldilar va yuqori prodessionalliklarini namoyon etdilar. Ta’lim jarayonida o’qituvchilar instruktorlar uchun ICAO malaka doirasi bilan va ICAO instruktorlari uchun ICAO malaka doirasiga muvofiq fuqaro aviatsiyasi sohasidagi oddiy kurslar va standart o’quv-uslubiy majmualari (SO’UM) asosida o’quv kurslarini o’tkazishning samarali usullari bilan tanishdilar. Amaliy mashg’ulotlar nazariy va amaliy darslar, sinflarda prezentatsiyalar va baholash mezonlari uchun materiallar ishlab chiqishni o’z ichiga oldi.

“KETRING” MChJ xodimlari uchun ingliz tili Kurslari

“KETRING” MChJ xodimlari birinchi bor “O‘quv-mashg‘ulot markazi” MChJda ingliz tili kursida tayyorgarlikdan o‘tdilar.

O‘qish jarayonida tinglovchilar sahn uchun taom tayyorlash usullari va masalliqlari, maxsus taom turlari bilan tanishdilar. Dunyo xalqlari taomlari, shu jumladan ekzotik taomlar haqida ma’lumotlar bilib oldilar. Kursning asosiy maqsadi, kommunikativ kompetensiyani rivojlantirish va ishda ingliz tilini amaliy qo‘llash.

Guruh tinglovchisining fikri:

“Men anchadan beri ingliz tilini o‘rganmoqchi edim.  “KETRING” MChJ xodimlarini    “O‘quv-mashg‘ulot markazi” MChJga o‘qishga yuborishganidan juda xursandman. Men o‘qituvchilardan yuqori professionallik, kreativlik, qiziqarli o‘quv dasturi va sabr uchun minnatdorman. Kelajakda men o‘rganishni davom ettirmoqchiman, chunki darslar menga juda yoqdi va  ingliz tilini yaxshi ko‘rib qoldim”.  – Barno Xojimirzayeva, “KETRING” MChJ xodimi.

Aziz ayollar!

Chin dildan sizlarni bahor bayrami – Xalqaro xotin-qizlar kuni bilan tabriklaymiz! Bu bayram – tabiatning uyg’onishi, quvonch va umid bayrami! Bahor quyoshining birinchi nurlari kabi aynan siz azizlar barcha ko’ngillarni birdek isitasiz. An’anaga ko’ra, ayol oila o’chog’ining qo’riqchisi hisoblanib, qimmatbaho qulaylik va xonadonga iliqlik baxsh etadi. Xizmat cho’qqilari ayollar uchun ochiq, siz turli sohalarda muvaffaqiyatlarga erishasiz. Ammo eng muhimi, siz dunyoni qanday yorqin va quvonchli qilishni, mehringizni va sevgingizni berishni bilasiz! Barcha orzularingiz ushalsin, ko’nglingizda doimo bahor bo’lsin!

“Davlat tili” XKTG fevral oyidan “Uzbekistan Airways” AJ tarkibiy bo‘linmasi “UAT” MChJ bilan hamkorlikni boshladi. Davlat tilidan ish yurituvchilar uchun  boshlang‘ich tayyorlov kursi 60 soatlik o‘quv dasturi bo‘yicha darslar olib borildi. Davlat tilida hujjatlarni to‘g‘ri to‘ldirish, tahlil qilish va   adabiy tilda so‘zlashish odobi bo‘yicha ma’lumotlar berildi. 

Guruh tinglovchilari ushbu kurs haqida o‘z fikrlarini bildirdilar:

O.V.Karabanov – kadrlar bo‘yicha menedjer: O‘zbek tilida erkin muloqot qilishga vaqt kamlik qildi, lekin bizgda ancha yutuqlar bor. O‘quv-mashg‘ulot markazida Davlat tili o‘qituvchisi o‘zimizga bo‘lgan ishonchni oshirdi va o‘zbek tilini oson o‘rganish mumkinligini tushuntirdi.

Yu.V.Malinina – kadrlar bo‘yicha muhandis: Umida Xakimdjanovna topshiriqlarni tekshirar, e’tibor bilan tushuntirib berar, savollarimizga to‘liq javob berar edi. Uning mahorati, ko‘magi va yordami biz uchun juda muhim bo‘ldi.

Yu.O.Sushkevich – hujjatlar ijrosi nazorati bo‘yicha texnik: biz juda yaxshi vaqt o‘tkazdik, ko‘p marotaba takrorlash, so‘zlar mazmunini tushuntirish, mavzularni ochib berish yetarli darajada bo‘ldi.

“G‘azalxonlik kechasi”

Buyuk bobokalonimiz Mir Alisher Navoiyning 581 yillik  tavalludi munosabati bilan 9-fevral kuni “Davlat tili” yo‘nalishi bo‘yicha xodimlarni kasbga tayyorlash guruhi katta o‘qituvchisi Dildora Xasanova ta’lim berayotgan bortkuzatuvchilarning Davlat tili bo‘yicha  malaka oshirish kursida “G‘azalxonlik kechasi” deb nomlangan noan’anaviy dars o‘tkazildi.  Darsda guruh tinglovchilari o‘z bilimlarini namoyon etdilar, Alisher Navoiyning hayoti va ijodi haqida ma’lumotlar berdilar, g‘azal va ruboiylaridan o‘qib berdilar. O‘qituvchi tomonidan berilgan savollarga chiroyli, qiziqarli javoblar berib, she’riyat mulkining sultoni to‘g‘risida yangi bilimlarga ham ega bo‘ldilar.

1483-yil 14-fevralda o’zbek mumtoz adabiyotining yirik vakili , buyuk shoir, tarixchi, geograf,davlat arbobi, iste’dodli sarkarda, boburiylar sulolasi asoschisi Zahiriddin Muhammad Bobur tavallud topgan.
“O’quv-mashg’ulot markazi”MChJ da shu kunga bag’ishlangan ochiq dars bo’lib o’tdi.

Darsni “Davlat tili” o’qituvchisi Umida Karimova o’tkazdi. Bortkuzatuvchilar boshlang’ich tayyorlov kursi tinglovchilari o’zlari uchun qiziqarli ma’lumotlarga ega bo’ldilar.

O’zbekiston Respublikasining barcha aviatorlarini hamma “Ўзбекистон ҳаво йўллари” sifatida biluvchi qadrdon Uzbekistan Airways aviakompaniyamizning 30 yilligi bilan chin qalbdan muborakbod etamiz!

Bizning katta jamoamiz ushbu yo’lni omadli va muvaffaqiyatli bosib o’tdi! Hamma aviatorlar bu bilan fahrlansa arziydi. Uzoq 1992-yilda boshlangan aviakompaniya tarixini bugungi kun bilan solishtirib bo’lmaydi. Fuqaro aviatsiyasi bilan bog’liq bo’lgan barcha ishlarda bizning mamlakatimiz va aviakompaniya, shubhasiz yuqori cho’qqilarga erishdi.

Barcha hamkasblar va tinglovchilarimizga sog’liq va fuqaro aviatsiyamiz xavfsiz rivojlanishini tilaymiz!

Xonadon obro’yi, taxti-erkaqdir,

Bolalar quvonchi, baxti-erkaqdir,

Ayollar qudrati mulki-erkaqdir,

Vatanim q’ururi ko’rki-erkaqdir.

Erkak bor, bog’larda gular ochilar,

Ular bor, qalblarga quvonch sochilar.

Oila butundir ular boridan,

Hayotin kizg’amans do’sti, yoridan.

Belaviya xush kelibsiz!

Сардэчна запрашаем, Белавія!

2022-yil yangi mijoz-“Belaviya” kelishi bilan boshlandi.

Ushbu aviakompaniya Belorussiyadagi yirik aviakompaniyalardan biri sanalib, ko’plab mamlakatlarda o’z aviatashuvlar xizmatini ko’rsatadi.

Ekipaj a’zolari FFS Boeing 767 o’quv-mashg’ulot uskunasida amaliy tayyorgarlikni o’tadilar.

Yangi Yil Bilan!

Sizga tinchlik, orzu-umid va ezgulik tilaymiz, Sizning xayotingiz baxtli bo’lsin va Sizga yaqin bo’lgan insonlar bilan rozilik va xamfi kirlik bo’lsin!

“O’quv-mashg’ulot markazi” MChJ vakillari A.R.Nuritdinova va M.A.Axmedov 2021-yil 9-dekabr kuni bo’lib o’tgan MBCCO va Jahon Banki hamkorligidagi loyihasi doirasida tashkil etilgan “O’zbekistonda oliy ma’lumotni modernizatsiya qilish” nomli milliy seminarda ishtirok etdilar. Seminar davomida Jahon banki loyihasini integratsiyalash jarayoni, o‘quv jarayoniga axborot texnologiyalarini joriy etish, texnik fanlarni o‘rganishda gender tengligi va o‘qishga kompetensiyaga asoslangan yondashuvni rivojlantirish masalalariga katta e’tibor qaratildi.

O‘zbekiston Respublikasida oliy ta’limni modernizatsiya qilish modelining to‘rtta komponenti bo‘yicha vazirlik va idoralarning ma’ruzalari – ma’ruzalar tinglandi. “Artel Group”, “Real Tex Tashkent”, “IT Park” kompaniyalari vakillari ish izlovchilarni ishga joylashtirish uchun oliy o‘quv yurtlarida olgan bilimlarini yangilash chora-tadbirlari haqida so‘zlab berdi.

Nuritdinova A.R. “O‘quv markazi” MChJ faoliyati, 2019-2021-yillarda ko‘rsatilayotgan xizmatlar va erishilgan natijalar, O‘zbekiston Respublikasi hududidagi aviatsiya korxonalari, o‘quv markazlari, shuningdek, oliy o‘quv yurtlari bilan hamkorlik qilish to‘g‘risida taqdimot qildi.

O‘zbekiston Respublikasi konstitutsiyasi – bu mustahkam tayanch va jamiyat shakllanishining huquqiy kafolati, Vatanimiz mustaqilligining yorqin ramzidir.

Uning tasdiqlanishi mamlakatimiz suverenitetining muhim bosqichidir. Asosiy qomusimiz inson huquqi va erkinligini, jamiyatda tinchlik va hamjihatlikni ta’minlovchi, siyosiy, iqtisodiy va ijtimoiy jabhalarda keng miqyosli yangilanishni amalga oshiruvchi poydevor o‘rnatdi.

7-dekabr – Xalqaro fuqaro aviatsiyasi kuni.

Bu bayram 1994-yili ICAO 50-yilligini nishonlash tadbirlari doirasida tasdiqlangan edi. Bizning korxonamiz ICAOning turli dasturlarida faol ishtirok etadi, shu bilan birga bizning ekspertlarimiz, aynan, Inna Aleksandrovna, Aelita Robertovna va chet tili guruhining barcha xodimlari ICAO bilan aviamutaxassislarni tayyorlashning turli jabhalarida faol hamkorlik qiladilar.

Barchani ushbu bayram bilan va biz xalqaro aviatsiya tashkilotining faol qismi hisoblanganimiz bilan muborakbod etamiz!

2021-yil 18-noyabr kuni “O‘quv-mashg‘ulot markazi” MChJ da Ma’naviyat va ma’rifat bo‘yicha mas’ul shaxs Dildora Zikrillayevna Xasanova tomonidan “Bayrog‘imiz-faxrimiz va g‘ururimiz” shiori ostida davra suhbati o‘tkazildi. Suhbatda markaz yetakchi xodimlari ishtirok etdilar. Bundan tashqari, bortkuzatuvchilar malaka oshirish guruhida ham noan’anaviy dars sifatida Davlat bayrog‘i va Davlat ramzlari haqida savol-javob tarzida o‘tkazildi.

Bizning maqsadimiz – har bir fuqaro, xodim va tinglovchilarda vatanparvarlik, yurtga sadoqat, ramzlarga ishonch tuyg‘ularini yanada orttirish.

Bayrog‘imiz yanada yuksaklarda hilpirayversin!

Rossiya Federatsiyasi Transport vazirligi (Rosaviatsiya) huzuridagi Federal havo transporti agentligining roziligi bilan “O‘quv-mashg‘ulot markazi” MChJ bundan buyon Rossiya aviakompaniyalariga ham xizmat koʻrsatishi mumkin.

Ushbu yangilik Rossiya Federatsiyasida joylashgan ko‘plab aviakompaniyalar uchun juda yoqimli bo‘ldi va tez orada bizning Trenajyor markazimizda mashg‘ulotlar o‘ta boshladilar.

Birinchilardan  bir vaqtning o‘zida ikkita kompaniya bo‘ldi – “ROYAL FLIGHT”Aviakompaniyasi” AJ va “Ikar”Aviakompaniyasi” MChJ (Pegas Fly).

Ushbu aviakompaniyalar vakillari katta tajriba va har bir mijozga individual yondashuvni yuqori baholadilar, bu esa o‘z navbatida o‘zaro hamkorlikni yaxshilash va munosabatlarimizni mustahkamlash imkonini berdi.

Shu kunlarda O‘quv-mashg‘ulot markazida Airbus 320 Full Flight Simulator trenajyori   foydalanishga topshirilgan o‘sha ajoyib kundan 6 yil o‘tdi. Hatto “Uzbekistan Airways” jurnali ushbu muhim voqea haqida yozgan va boshqa OAVlar ham xabar bergan edi. O‘tgan yillar davomida simulyatorda O‘zbekiston, Qozog‘iston, Pokiston, Qirg‘iziston, Rossiya Federatsiyasi va boshqa mamlakatlardan 9000 dan ortiq mutaxassislar malaka oshirdi. O‘quv majmuasi xizmatlariga talab muttasil ortib bormoqda. Simulyatorning parvozga yaroqliligiga texnik xizmat ko‘rsatish Kanadaning asbob-uskunalar ishlab chiqaruvchi – “CAE” kompaniyasi ko‘magida “O‘quv-mashg‘ulot markazi” MChJ xodimlari tomonidan amalga oshirilmoqda. Yaqin kelajakda simulyator dasturiy ta’minotini chuqur yangilash rejalashtirilgan.

Biz barcha ishonchli hamkorlarimizni va yangi mijozlarimizni mashg‘ulotlarda kutib qolamiz. Markazimiz simulyatorlaridan foydalanish  kompaniyalaringiz uchun samarali bo‘lishi va parvozlar xavfsizligini oshirish uchun qo‘limizdan kelgan barcha ishlarni qilamiz.

Maks 2021-aviatsiya-fazogirlik soxasi yutuqlarini namoyish qilish ko‘rgazmasi (20-25-iyul)

“O‘quv-mashg‘ulot markazi” MChJ vakillari MAKS-2021 keng miqyosli sahnlar ko‘rgazmasida ishtirok etdilar.

RF Prezidenti Vladimir Putin O‘n beshinchi Xalqaro aviatsiya-fazogirlik soxasi yutuqlarini namoyish qilish ko‘rgazmasini ochdi.

MAKS- bu Rossiya va xorijiy mamlakatlarning eng so‘nggi  aviatsiya yutuqlarini namoyish qilish uchun o‘ta muhim va talabga molik maydon hisoblanadi. Bu yerda jahon aviasozlik kelajagi haqida jonli munozaralar  bo‘lib o‘tadi.

Aviaxodimlarni o‘qitish, aviatsiya soxasidagi eng dolzarb omillardan biri sanaladi. Mazkur ko‘rgazmada turli mamlakatlardan o‘quv markazlari taqdim etildi, bu esa o‘z navbatida O‘zbekiston Respublikasiga yangi mijozlarni chorlash va ular bilan hamkorlik qilish imkoniyatini kengaytiradi. An’anaviy tarzda qiziqarli uchish dasturi taqdim etiladi, shartnomalarni imzolash esa, o‘zaro manfaatli bitimlarni tuzish va ularni yurtimizda tadbiq qilish uchun keng imkoniyatlar yo‘lini ochadi.

2021-yil 17-iyun kuni ICAO EUR/NAT language Proficiency Requirements Implementation Task Force – til talablarini tadbiq qilish bo‘yicha ICAO ishchi guruhi, kichik guruhlari yetakchilarining onlayn konferensiyasi bo‘lib o‘tdi.  

Mazkur ishchi guruh raisi tomonidan samarali hamkorlik va tayanch vazifalarni bajarish maqsadida, uchta kichik guruhlarni kiritish taklif qilingan edi.

Kichik guruhlardan biri “Bajarish/Davlatlarni qo‘llab-quvvatlash”guruhining  yetakchisi etib markazimiz direktori o‘rinbosari, davlat reyter-ekzamenatori Inna Aleksandrovna Abdullayeva tayinlandi.

Konferensiyada ICAO bosh ofisi vakillari (Monreal, Kanada), ICAO sekretariati (Parij, Fransiya), Yevroittifoq aviatsiya xavfsizligi Agentligi vakillari va Germaniya, Shveytsariya va O‘zbekistondan tanlangan yetakchilar qatnashdilar.

Konferensiyada 2021-2023-yillarga mo‘ljallangan tayanch vazifalar rejalari muhokama qilindi. Yaqin orada har bir yetakchi tomonidan ishchi guruhining barcha a’zolari tanishib chiqishlari uchun bosqichma-bosqich tadbirlar rejasi taqdim etiladi.

“O’quv-mashg’ulot markazi” MChJ qayg’u bilan shuni ma’lum qiladiki, bugun 98 yoshida ikkinchi jahon urushi fahriysi, O’zbekiston Respublikasida obro’li va mashhur aviaxodim Yunis Izmaylovich Gorchakov vafot etdi.

Yunis Izmaylovichni taniganlar uchun bu og’ir judolik. “O’quv-mashg’ulot markazi” MChJ xodimlari uchun u o’z ishi va Vatani fidoiysi, mardlik, qat’iyat va jasoratda ibrat bo’lib qoladi.

Rahbariyat va butun jamoamiz Yunis Izmaylovichning oilasiga chuqur hamdardlik bildiradi.

Bevosita ishlab chiqarish ishlarini tashkil qilish va uni amalga oshirish bilan mashg’ul bo’lgan ishchilar, rahbarlar, muhandis-texnik xodimlar va mutaxassislar, hamda ishlarning xavfsiz olib borilishini texnik nazorat qiluvchi shaxslarni mehnat muhofazasi bo’yicha bilim sinovi o’tkazish zarurati sababli, 2020 yil 17.08 dagi “O’zbekiston havo yo’llari“ AJ da mehnatni muhofaza qilish bo’yicha o’qitish va bilimlarni sinovdan o’tkazishni tashkil etish to’g’risidagi 270-sonli Nizom” va 2021 yil 09.03 dagi “Mehnat muhofazasi bo’yicha bilim sinovi o’tkazish bo’yicha doimiy imtihon komissiasini tuzish to’g’risida“gi 18-sonli direktorning buyrug’iga asosan MChJ “O’quv – mashg’ulot markazi“ xodimlarining 2021 yil 19.04 dan 23.04. gacha mehnatni muhofaza qilish va xavfsizlik bo’yicha (MM va XB) bilimlarini sinovdan o’tkazildi.

Mamlakatda epidemiologik vaziyatning kuchayishi munosabati bilan ishchilarning bilimlarini sinovdan o’tkazish (imtihon) jadvali 4 kunga bo’linib, kuniga har bir bo’limdan 15-20 kishidan iborat ishchilar qatnashdi. Imtihon vaqtida ehtiyot choralari va ijtimoiy masofaga rioya qilgan holda, tibbiy niqoblarda ishtirok etishdi.

Mehnatni muhofaza qilish bo’yicha muhandis To’xtaxon Maxmudovna Ahmadjonova mehnat muhofazasi va xavfsizlik texnikasi boyicha savollar ro’yxatini tayyorladi, zarur me’yoriy va boshqa hujjatlar to’plamini, tashkiliy, ma’muriy va uslubiy hujjatlarni shakllantirdi, imtihon jadvali va imtihonda qatnashadigan ishchilar ro’yxatini tuzdi va tasdiqladi.

Imtihon oldidan mehnatni muhofaza qilish masalalari bo’yicha konsultatsiyalar o’tkazildi.

Xodimlarning bilimlari katta tayyorgarlik bilan sinovdan o’tkazildi, qancha odam mehnatni muhofaza qilishga befarq emasligini anglash yoqimli bo’ldi. Shu kunning o’zida komissiya a’zolari ishchilarning bilim natijalarini e’lon qildilar, xulosani baholash va tekshirilganlarning imzolari bilan komissiya yig’ilishining bayonnomasi tuzildi.

Pandemiya davrida chet tillarini o‘qitish strategiyasi bo‘yicha Xalqaro konferensiya

16-aprel kuni Toshkent shahri O‘zDJTU bazasida “Pandemiya davrida chet tillari o‘qitish strategiyasi” nomli xalqaro konferensiya o‘tkazildi. Konferensiya tashkilotchilari sifatida innovatsion usullarni rivojlantirish Respublika ilmiy-amaliy markazi va Tsukuba Yapon universiteti ishtirok etdi. Konferensiya doirasida xalqaro mutaxassislar: O‘zbekiston, Yaponiya, Kanada, Malayziya va boshqa davlat professorlari qatnashdilar, hamda onlayn o‘qitish formatida yangi usul va vositalarni o‘rganish va takomillashtirish maqsadida vorkshoplar o‘tkazildi.

“O‘quv-mashg‘ulot markazi” MChJ direktori S.M.Gurfinkel va direktor o‘rinbosari I.A.Abdullayeva chet el mutaxassislari bilan bir qatorda aviatsiya soxasida pandemiya boshlangan ilk kunlaridan bajarilgan ishlar tajribasiga tayangan va taklif qilgan  holda xalqaro hamjamiyatning muhim hodisasida ishtirok etdilar.

S.M.Gurfinkel yalpi taqdimotda “Aviatsiyada an’anaviy va onlayn o‘qitishning afzallik va kamchiliklari” mavzusidagi ma’ruzasini taqdim etdi. Prezentatsiya aviatsiya soxasida o‘qituvchilar va tinglovchilar uchun o‘qitishning yangi texnik vositalari va usullarining onlayn o‘qitishdagi ko‘pqirralarini  tadbiq qilishni tushuntirib berishni o‘z ichiga oldi.   Shuni alohida ta’kidlab o‘tish joizki, aviatsiya o‘quv markazi ma‘rifiy va ilmiy soxaga taalluqli emas, biroq, ma’rifiy soxadagi xalqaro olimlar tomonidan onlayn o‘qitishga o‘tishning muvaffaqiyati va o‘ziga xosligi yuksak e’tirof etildi. Ko‘pgina ishtirokchilar bizning markazimizda yaratilgan axborot yetkazishning usul va shakllari bilan qiziqib qoldilar.

2021-yil 10-mart kuni “O‘quv-mashg‘ulot markazi” MChJ va O‘zbekiston  Davlat Jahon Tillari Universiteti (O‘DJTU) qoshidagi Respublika chet tillari o‘qitishning innovatsion usullarini rivojlantirish ilmiy-amaliy markazi o‘rtasida hamkorlik memorandumi imzolandi.

Respublika chet tillari o‘qitishning innovatsion usullarini rivojlantirish ilmiy-amaliy markazi O‘zbekiston Respublikasi Prezidentining 2013-yil 23-maydagi № ПП-1971-sonli Qaroriga muvofiq tashkil qilingan edi. Innovatsion markazning faoliyati zamonaviy pedagogik va axborot-kommunikatsiya texnologiyalaridan foydalangan holda, chet tillari o‘qitish tizimini takomillashtirishga qaratilgan.

Hamkorlik memorandumi doirasida “O‘quv-mashg‘ulot markazi” MChJ Direktor o‘rinbosari I.A.Abdullayeva va “Chet tili” XKTG katta o‘qituvchisi A.R.Nuritdinova 2021-yil 9-10-aprel kunlari O‘DJTUda bo‘lib o‘tgan “Chet tillarini o‘qitishda baholash mezoni” nomli xalqaro konferensiyada ishtirok etdilar. Mazkur konferensiya O‘zbekiston Respublikasi  Xalq Ta’limi Vazirligi, Oliy va o‘rta ta’lim Vazirligi, hamda Amerika Qo‘shma Shtatlarining O‘zbekistondagi elchixonasi ko‘magida tashkil etildi.     Konferensiya doirasida O‘zbekiston Respublikasining 12 viloyatidan ta’lim, baholash va test o‘tkazish  sohasidagi 100dan ortiq mutaxassislar, shu bilan birga English Speaking Nation (ESN) Coaches, English Language Specialists, Fulbright English Teaching Assistants (ETA) dasturlari bo‘yicha 20dan ortiq chet el ekspertlari ishtirok etdilar. Konferensiya mehmonlari AQShning O‘zbekistondagi elchisi Daniel Rozenblum va Webster va Westminster  universitetlari Britaniya Ittifoqi vakillari bo‘ldilar.

I.A.Abdullayeva va A.R.Nuritdinovalar “Aviatsiya sohasida baholash” mavzusida prezentatsiya va master klass bilan chiqish qildilar. Prezentatsiya yig‘ilganlarni aviatsiya spetsifikasi va ICAO til bilimi shkalasi bo‘yicha umumiy va aviatsion ingliz tilini bilish darajasini aniqlash bo‘yicha   test o‘tkazish bilan tanishtirishni o‘z ichiga olgan edi. “O‘quv-mashg‘ulot markazi” MChJ o‘ziga xos  texnologiyasini qo‘llagan holda ELPAT testi doirasida baholash usulini izohlab berish katta qiziqish uyg‘otdi, ayniqsa, aviaxodimlarni baholashda zamonaviy talablarga javob berilishi e’tirof etildi. Baholash jarayonining shaffofligi, Davlat reyter/imtihon oluvchilarining yuqori malakasi, hamda uchuvchilar va aviadispetcherlardan iborat mutaxassis-ekspertlarning jalb  qilinishi parvozlar xavfsizligini ta’minlovchi omillar hisoblanadi.

O’zbekiston Respublikasi Prezidentining 30 oktyabr 2020 yildagi “Sog’lom turmush tarzini keng joriy etish va ommaviy sportni yanada rivojlantirish chora-tadbirlari to’g’risida”gi PF-6099-sonli Prezident farmoni, «Uzbekistan airways» AJ Boshqaruv raisining 16 dekabr 2020 yildagi “«Uzbekistan airways» AJ Xodimlari o’rtasida sog’lom turmush tarzini va sportni yanada rivojlantirish chora-tadbirlari to’g’risida” 417-sonli buyrug’i va shuningdek MChJ “O’quv – mashg’ulot markazi ” direktorining.

9 mart 2021 yildagi “Xodimlar o’rtasida sog’lom turmush tarzini keng joriy etish va sportni yanada rivojlantirish chora-tadbirlari to’g’risida” gi 18-sonli buyruqlari ijrosi davomida MChJ “O’quv – mashg’ulot markazi “da sog’lom turmush tarzini joriy etish va ommaviy sportni yanada rivojlantirish bo’yicha “Yo’l xaritasi” ni tasdiqladi.Mehnat muhofazasi muhandisi, “Sport targ’ibotchisi” Axmadjanova To’xtaxon Maxmudovna “Yo’l xaritasi” ni tayyorladi va MChJ “O’quv – mashg’ulot markazi” da o’tkazilgan jismoniy tarbiya va dam olish tadbirlari rejasini tayyorladi.Jismoniy tarbiya va dam olish tadbirlari rejasi asosida MChJ “O’quv – mashg’ulot markazi” ning sport zalida korxona xodimlari bilan jismoniy tarbiya va davolash gimnastika mashg’ulotlari olib borilmoqda.

Jismoniy tarbiya va davolash gimnastika mashg’ulotlari haftada bir marta o’tkaziladi, “sport targ’ibotchisi” xodimlarning ishtirokini tashkil qiladi va mashqlarni bajarilishini doimiy nazoratini ta’minlaydi.

Tashkil etilgan sport-sog’lomlashtirish ishlari tananing moslashuvchan imkoniyatlarini oshirishga imkon beradi va jamoaning barcha yoshdagi xodimlari uchun sog’lig’ini saqlash va mustahkamlash vositasi bo’lib qoladi.

Ushbu tashkil etilgan sport-sog’lomlashtirish ishlardan maqsad: xodimning sog’lig’ini saqlash va mustahkamlash, sog’lom turmush tarzini targ’ib qilish va jismoniy madaniyatni har bir xodim hayotiga kiritishdir.

FLTAL”-2020 amaliy tilshunoslik va chet tillarini o‘qitishning dolzarb muammolariga bag‘ishlangan Xalqaro konferensiyada ishtirok etdilar

Yana  bir bor “O‘quv-mashg‘ulot markazi” MChJ “Chet tillari” XKTG o‘qituvchilari 2020-yil 20-21-dekabr kunlari O‘zbekiston Respublikasi Samarqand shahri “Buyuk ipak yo‘li” Xalqaro Turizm Universitetida o‘tkazilgan “FLTAL”-2020 amaliy tilshunoslik va chet tillarini o‘qitishning dolzarb muammolariga bag‘ishlangan Xalqaro konferensiyada ishtirok etdilar.

FLTAL konferensiyasi maqsadi – butun dunyodan til o‘rganish va tilshunoslikka qiziquvchi barcha o‘qituvchilarni, tadqiqotchilar va amaliyotchilarni birlashtirish. Ushbu konferensiya tadqiqot jamoalarini nazariya va amaliyot o‘rtasidagi aloqalarni targ‘ib qilishga va tadqiqot natijalarini amalda qanday qo‘llash bo‘yicha turli xil qarashlarni o‘rganishga jalb qilish uchun mo‘ljallangan.

“Chet tillari” XKTG katta o‘qituvchisi Aelita Robertovna Nuritdinova va oliy toifali o‘qituvchi Dinara Amirsaidovna Nasirova “O‘zbekiston avivatsiya sohasidagi mukammal ingliz tili: Xalqaro e’tirofga yo‘l” (A.R.Nuritdinova) va “Ingliz tilini o‘qitishda zamonaviy texnologiyalarni qo‘llash” (D.A.Nasirova) kabi dolzarb mavzularda o‘z prezentatsiyalarini taqdim etdilar. Shu bilan birga o‘qituvchilar tomonidan mazkur mavzularga oid maqolalar yozildi va ular xalqaro konferensiya bukletlarida nashr etiladi.

Yangi yil arafasida “O’quv-mashg’ulot markazi” MChJ ma’muriy-boshqaruv bo’limi xodimlari uchun o’zbek tili o’qitish kurslarining birinchi guruhi yakunlandi.

2oy davomida “O’quv-mashg’ulot markazi” MChJ 16 nafar xodimlari ta’lim oldilar. Ular orasida o’zbek tilini deyarli boshidan boshlaganlar ham bo’ldi, boshqalari esa o’zbek tilini ish jarayonida qo’llash ko’nikmalariga ega bo’ldilar. Barcha xodimlar o’zbek tilida gapira boshladilar, hujjatlar bilan davlat tilida ishlamoqdalar. Ma’muriyat va o’qituvchilarga o’zbek tilini rivojlantirishga qaratilgan ajoyib g’oya va harakatlari uchun minnatdorchilik bildiramiz.

Trenajyor majmuasi bir guruh xodimlari trenajyor majmuasi boshlig’i boshchiligida texnik ingliz tili tezkor tayyorlov guruhini tugalladilar.

Tayyorlov kursi uskuna ishlab chiqaruvchilari hujjatlari bilan ishlash samaradorligi va hamkorlar bilan ishlash sifatini yaxshilashga qaratilgan edi.
2021-yilda Trenajyor majmuasi barcha xodimlari ingliz tili o’rganishga jalb qilinadilar.

“Chet tillari” xodimlarni kasbga tayyorlash guruhi o‘qituvchilari 2020-yil 7-8-noyabr kunlari o‘tkazilgan Qatarda ingliz tili o‘qitish 5-Xalqaro onlayn konferensiyasida ishtirok etdilar.

Konferensiya tashkilotchilari bo‘lib Qatar Oliy Ta’lim Vazirligi bilan hamkorlikda Qatar University qatnashdilar. Konferensiya onlayn tarzda, Cisco Webex platformasini qo‘llagan holda o‘tkazildi. Konferensiya maqsadi – chet tiliga o‘qitish jarayonini mukammallashtirish, hamda Covid-19 pandemiyasi sharoitida ta’lim berish muammolari va yechimlariga e’tibor qaratish. Ikki kunlik konferensiya dasturidan chet tili o‘qitish va til kompetensiyasi sohasida olim va tadqiqotchilar, tajribali o‘qituvchilarning master klasslari, chiqishlari, seminarlar o‘rin olgan.

Konferensiyada 40 davlatdan chet tili o‘qitish sohasidagi 500dan oshiq ekspertlar ishtirok etdilar. Ikki kun ichida Amerika, Buyuk Britaniya, Yevropa, Yaqin Sharq, Sharqiy Osiyo, Afrika universitetlarining yetakchi mutaxassislari tomonidan 80 ta seminarlar o‘tkazildi. Dunyo nomlariga sazovor bo‘lgan tilshunoslar Stiven Krashen (AQSh)-Janubiy Kaliforniya Universiteti professori va Rod Ellis (Buyuk Britaniya)-Oklend (Yangi Zellandiya) Universiteti professori, konferensiyada katta rezonansni ta’minladi.

“Chet tillari” XKTG o‘qituvchilari Covid-19 pandemiyasi sharoitida zamonaviy texnik vosita va platformalarni qo‘llash bilan chet tili o‘qitish muammolariga qaratilgan dolzarb savollar muhokamasida va vebinarlarda ishtirok etdilar. Konferensiya doirasida test o‘tkazish va baholash, plagiat va ko‘chirmachilik, hamda 21 asrda muhim bo‘lgan ko‘nikmalar kabi muhim aspektlarga e’tibor qaratildi.

“Ta’lim sohasidan tashqari, ba’zi sessiyalar ingliz tilida biznes yozishmalarini olib borish tendensiya va qoidalariga bag‘ishlangan edi, bu esa o‘z navbatida konferensiyaning maqsadli tinglovchilarini kengaytirdi”.

Inna Abdullayeva

“Konferensiya keng miqyosli va qiziqarli bo‘ldi. Mening o‘ylashimcha, konferensiyada ishtirok etish o‘zimiz uchun kelajakda rivojlanishning yangi yo‘llarini shakllantirini taqozo etadi.”

Aelita Nuritdinova

“Men o‘ylaymanki, bunday konferensiyalar ingliz tilida onlayn ta’lim berish bilan bog‘liq muammolarni muhokama qilish uchun ajoyib imkoniyat hisoblanadi”.

Lyudmila Savchenko

“Bugungi kunda shubhasiz, o‘qituvchi va talabalar yangi ta’lim shakllariga moslashishlari kerak. Bu konferensiya o‘qituvchilarga dars berishning har xil uslublarini tushunish uchun ajoyib imkon bo‘ldi”.

Madina Axrorova

“Menda dunyoga mashhur g‘oyaviy yetakchi Rod Ellisning ta’lim uslubini masalalar asosida yoritishga qaratilgan  chiqishlarida qatnashish   imkoni bo‘ldi. Aynan, o‘qituvchilar darslarda duch keladigan qiyinchiliklarni masala qiyinligini aniqlash bo‘yicha hal qilish usullari ko‘rib chiqildi”.

Dinara Nasirova

“Prezentatsiyalar juda qiziqarli, samarali va dolzarb bo‘ldi. Menga  aynan professor Xamadining bizning davrimizda onlayn dars berishning foyda va aspektlarining muhimligi haqida gapirilgan prezentatsiyasi yoqdi”.

Shaxnoza Saidova

Bugun «O‘zbekiston Respublikasining Davlat tili to‘g‘risida»gi qonun qabul qilinganiga 31 yil to‘ldi.

Har yili 21 oktabr yurtimizda o‘zbek tiliga davlat tili maqomi berilgan kun sifatida keng nishonlanadi. Bu yil ham turli jamoat muassasalarida, tadbirlar o‘tkazilmoqda.

Qonunga asosan eng muhim qadriyatlardan biri hisoblangan til qonun darajasida huquqiy asosga ega bo‘ldi. Bu qonun bilan o‘zbek millatining ma’naviyatini, ruhiyatini, qadrini ko‘rsatadigan muhim omil, ya’ni tilning maqomi huquqiy mustahkamlandi. Mazkur huquqiy asos orqali yangi shakllanayotgan davlatning, hukumat rahbarining elga, yurtga nisbatan e’tibori, ehtiromi namoyon etildi.

Til har bir millatning ulkan boyligi, benazir qadriyati va bebaho mulki hisoblanadi. Har bir xalq, har bir elat, o‘zi hurmat va ehtirom qiladigan tilga ega. Tilda ana shu tilning ijodkori bo‘lgan xalq, elatning tarixi va madaniyati aks etadi. Ayni zamonda, til ijtimoiy taraqqiyotda ulug‘vor ahamiyat kasb etadi. Til – har bir millat o‘zligining ajralmas belgisidir.

O‘zbek tili – O‘zbekiston Respublikasi aholisining mutlaq ko‘pchiligi bo‘lmish o‘zbek xalqining ona tilidir. U O‘zbekiston birligi va yaxlitligi, jamiyat jipsligining muhim omili hisoblanadi. O‘zbek xalqining, uning milliy madaniyati va o‘ziga xosligini ifoda etuvchi vosita bo‘lmish o‘zbek tilining har tomonlama rivojlanishini ta’minlash, mazkur tilning davlat tili maqomidek salohiyatini izchil va to‘liq ro‘yobga chiqarish muhim vazifadir.

Mamlakatimizda o‘zbek adabiy tilini rivojlantirish masalalariga alohida e’tibor qaratilmoqda. Buning natijasida o‘zbek tili davlat tili, davlat ramzi, milliy madaniyat va ma’naviyatni ifodalovchi hamda ularni kelajak avlodga yetkazuvchi muhim muloqot vositasi darajasiga ko‘tarildi. O‘zbek tilining xalqaro miqyosdagi nufuzi oshib, faol muloqot vositasiga aylanib bormoqda. Turli darajadagi rasmiy uchrashuvlar, muzokaralarda tilimiz keng qo‘llanilayotgani, xorijdagi ko‘plab universitetlar, ilmiy muassasalarda o‘zbek tili markazlari tashkil etilib, ularda ona tilimizni o‘rganishga qiziquvchilar safi tobora ortib bormoqda.

O‘zbekistonda nafaqat o‘zbek tili, balki boshqa millat va elatlarning tillari, urf-odatlari hurmat qilinishi milliy qonunchiligimizda aks etgan. Uning amaliy isbotini O‘zbekiston Respublikasi Konstitutsiyasining 4-moddasidagi quyidagi norma misolida ko‘rish mumkin: «O‘zbekiston Respublikasining davlat tili o‘zbek tilidir. O‘zbekiston Respublikasi o‘z hududida istiqomat qiluvchi barcha millat va elatlarning tillari, urf-odatlari va an’analari hurmat qilinishini ta’minlaydi, ularning rivojlanishi uchun sharoit yaratadi».

“O‘zbekiston Respublikasining Davlat tili to‘g‘risida”gi Qonunning 8-moddasida  O‘zbekiston Respublikasining qonunlari, davlat hokimiyati va boshqaruv organlarining boshqa hujjatlari davlat tilida qabul qilinishi va e’lon qilinishi belgilangan.

Ushbu normalarning ijrosi amalda ta’minlanayotganini hozirgi kunda bizning O‘quv-mashg‘ulot markazi misolida ko‘rish mumkin. Bugungi kunda “O‘quv-mashg‘ulot markazi” MChJ ma’muriyati xodimlari uchun markazimizning oliy toifali O‘zbek tili o‘qituvchilari tomonidan ishlab chiqilgan  dastur asosida “O‘zbek tilida ish yuritish” bo‘yicha nazariy darslar tashkil etildi. Xodimlarimiz katta qiziqish bilan o‘zbek tilidan o‘z bilimlarini boyitmoqdalar.

Bizning “O‘quv-mashg‘ulot markazi” MChJ davlat tilini o‘qitish bo‘yicha barcha turdagi kurslarga Sizlarni ham taklif etib qoladi.

“O’quv–mashg’ulot markazi” MChJ xodimlari aviatsiya xodimlarining ingliz tili bilim talablarini tadbiq qilishga qaratilgan  ICAO Maqsadli guruhining navbatdagi yig’ilishida ishtirok etdilar. (LPRI TF/37).

Mazkur yilning 28-sentabr kuni Davlat reyterlari I.A.Abdullayeva va A.R.Nuritdinova ushbu ICAO yig’ilishida qatnashdilar.  Mazkur yig’ilishning o’ta dolzarbligi 50dan oshiq Velikobritaniya, Germaniya, Fransiya, Finlyandiya, Belgiya, Avstriya, Kir, Malta, Shveytsariya, Ukraina, Belarusiya, Moldova, Rossiya Federatsiyasi, hamda ICAO, Eurocontrol, EASA, ICAEA,AviaSafety agentligi hududiy vakillari ekspertlarini jamladi. Pandemiya COVID19 cheklovlari  tufayli yig’ilish masofaviy tarzda olib borilgani uning samaradorligiga hech qanday ta’sirini ko’rsatmadi.

ICAO Maqsadli guruhi tilga bo’lgan talablarni tadbiq qilish, ingliz tili bilim darajasini aniqlash mutanosibligi, hamda til bo’yicha test o’tkazish organlarining nazorati bilan shug’ullanadi.

Yig’ilishda 2020-2022-yillar tadbirlar rejasi bo’yicha taklif va mulohazalar ko’rib chiqildi, hamda ICAO shkalasi bo’yicha test o’tkazish va uni tashkil qilish   tamoyillari bo’yicha davlatlar izohlari tinglandi. Yig’ilishda Eurocontrol va AviaSafety agentligi vakillari o’z nutqlari bilan  chiqish qildilar.

Yig’ilish ishtirokchilari har  xil davlatlarda o’tkaziladigan testlar bo’yicha taklif va m ulohazalarni ko’rib chiqdilar, hamda har bir davlatda test va bilimni baholash tajribalari va sertifikatlarni boshqa davlatlarda tan olinishi asosiy omil ekanligini  alohida ta’kidlab o’tdilar. O’zbekiston Respublikasi davlat reyterlari tomonidan O’rta Osiyoda til dolzarbligi va kerakliligini oshirgan holda, ICAO shkalasi bo’yicha o’tkaziladigan umumiy va aviatsion ingliz tili bilim darajasi test o’tkazish usullarini  mukammallashtirish bo’yicha takliflar kiritildi.

Yevropa agentligi parvozlar xavfsizligi (EASA)  vakili ICAO Maqsadli guruhining aviatsiya xodimlarining ingliz tili bilim darajasini tadbiq qilish va ishlab chiqishdagi katta yutug’i aviatsiya xavfsizligi asosiy hujjatlarida aks etganligini ta’kidladi.

Yig’ilish davomida Eurocontrol vakilitomonidan reyterlar tayyorlashda va test o’tkazish sohasida  test tizimlarini baholash va yaratishdagi globalizatsiya va standartizatsiya uchun reyterlar tayyorlash va test o’tkazish sohasida harakatlarni jamlash zarurati to’g’risidagi ma’lumotni tingladilar.

AviaSafety agentligi ICAO Assambleyasining 40-sessiyasi natijalari bo’yicha chiqish qildi va aviatsiya xodimlari til kompetensiyalarini baholashdagi yangi integratsion qarashlarni rivojlantirishga doir takliflarni bildirdi.

Yig’ilish yakunida Maqsadli guruhning keyinhi faoliyatidagi aviatsiya xodimlari tomonidan ingliz tili bilim talablarini tadbiq qilish bo’yicha asosiy vazifalari belgilandi.

“O‘quv-mashg‘ulot markazi” MChJ milliy bayram – Mustaqillik kuni bilan barcha hamkorlarini, xodimlarini, O‘zbekiston Respublikasining aviatsiya va boshqa tashkilotlari xodimlarini muborakbod etadi. “Uzbekistan Airways” aviakompaniyasi va fuqaro aviatsiyasining barcha jabhalari davlatimiz mustaqillikka erishganidan so‘ng o‘z rivojlanishi uchun katta kuch-quvvat oldi va dunyo aviabozorida mustahkam va vakolatli o‘ringa ega bo‘ldi.

Aviakompaniyaning O‘quv-mashg‘ulot markazi tarixdan aviatsiya xodimlarini tayyorlashda ijobiy ta’sirga ega bo‘lgan tarmoq hisoblanib, parvozlarning xavfsiz va samarali bajarilishida yetakchi omil bo‘lib kelmoqda.

Bayramingiz bilan, qadrli hamkasblar! Sizga musaffo osmon va xavfsiz parvozlar tilaymiz.

2020.25.03. sanasidan O’MM MChJ bazasidagi tinglovchi toifasidagi, shuningdek jismoniy shaxslar uchun rejalashtirilgan ingliz tilidan barcha kurslar masofadan o’qitish tizimi orqali o’tkaziladi. Batafsil ma’lumotlar uchun o’quv bo’limiga murojat etishingizni so’raymiz.

UCHUVCHILAR MAKTABI: ILK YUTUQLAR

“O`quv-mashg`ulot markazi” MChJ (“Chet tillar” yo’nalishi bo’yicha xodimlarni kasbga tayyorlash guruhining) o`qituvchilari O`zbekiston Respublikasida doimiy o`tkaziladigan xalqaro tadbirlarga bo`lgan ulkan qiziqishlarini yana bir bor ifoda etgan holda, 2020 yilning 5- 7- mart kunlari UN (BMT), UNICEF, UNESCO xalqaro tashkilotlari rahnamoligi ostida tashkil etilgan va O`zbekiston Davlat Jahon Tillari Universitetida o`tkazilgan xalqaro konferensiyada ishtirok etdilar. Shuni ta’kidlash joizki bu konferensiya BMTning xalqaro konferensiya modeli hisoblanadi. Ushbu konferensiya Universitetning qobiliyatli va iqtidorli studentlari tomonidan tashkil etilgan bo`lib, zamonaviy jamiyatda bolalarni himoya qilishga bag`ishlangan. “O`quv-mashg`ulot markazi” MChJ o`qituvchilari Abdullayeva I.A. , Nuritdinova A.R., Savchenko L.V., Nasirova D.A., Axrorova M.M., shuningdek Anoxina E.M. konferensiyaning mehmonlari bo`libgina qolmay delegatlar sifatida taklif etilgan bo`lib BMTning xavfsizlik qomitasiga kiritilganlar. Shuningdek delegatlar orasida Fransiya, Germaniya, Nigeriya, Tunis, AQSh, Dominikano Respublikasi, Belgiya, Xitoy, Saudiya Arabistoni, Indoneziya, Rossiya, YuAR, va Vietnam davlatlari vakillari ham ishtirok etdilar. Konferensiyada qatnashchilar “Ziddiyatli hududlarda va tabiy ofat joylarida bolalarni himoya qilish” va “Bolalar va jinoyatga guvoh bo`lganlarning ustidan xaqiqatning qaror topishi” mavzularida ma’ruzalar bilan ishtirok etdilar. Konferensiya qatnashchilari uchun delegat sifatida qatnashish uchun bu shartli talablardan biri edi. Konferensiya rasmiy qism – ochilish marosimini, 6 sessiya va mukofotlash marosimini tashkil etdi. Ochilish marosimida O`zDJTU Rektori Raximov G.X. va BMTning O`zbekiston Respublikasidagi vakili Xelen Freyzer so`zga chiqdilar. BMT vakili tabrik nutqidan so`ng bolalar huquqlarini himoya qilish bo`yicha BMTning  O`zbekiston Respublikasida olib borayotgan chora-tadbirlari to`g`risidagi savollarga javob berdi. Sessiya davomida zamonaviy jamiyatda bolalar xuquqlarini himoya qilish, ta’minot, ta’lim soxalariga oid savollani ko`tarib chiqdilar va bahs va munozaralarda ishtirok etdilar. Taqdirlash marosimida faol va samarali ishtiroki uchun “Eng yaxshi Spiker” nominasiyasida Abdullayeva Inna Aleksandrovna, “Eng yaxshi dasturli xujjat” nominasiyasida Nasirova Dinara Amirsaidovna taqdirlandilar.

Aviakompaniya tashkil etilganligining 28-yilligi sharafiga!

Hurmatli hamkasblar!

“O`quv-mashq markazi” MChJ Sizni aviakompaniyaning tashkil topganligining 28-yilligi bilan muborakjbod etadi. Yildan yilga “Uzbekistam Airways” aviakompaniyasi takomillashtirilib yanada yaxshilanib bormoqda. O`tgan 2019-yil O`zbekiston aviakompaniyasi uchun juda sermahsul yil bo`ldi, garchi o`ziga xos qiyinchiliklar bilan kechgan bo`lsada.

Aviatsiya sohasi shiddat bilan rivojlanyapti, bozordagi o`rnimizni saqlab qolish va kuchaytirish uchun muttasil yangi texnologialarni joriy qilish, servisda yangi yo`nalishlarni rivojlantirish, shuningdek yer usti infrastrukturasini yangilash lozim.

Bizning O`quv-mashq markazimizda ilgarigidek uchuvchilar va yerdagi xizmat ko`rsatuvchi xodimlarni tayyorlash va qayta tayyorlashga katta ahamiyat berilmoqda. Aviakompaniya tarixida birinchi marta o`quv-mashq markazi qoshida FA uchuvchilarining boshlang`ich tayyorgarligi kurslarini tashkil etildi.

Biz o`z muvaffaqiyatlarimiz bilan faxrlanamiz va oldimizga yanada yuksakroq maqsadlar qo`yamiz.

Aviakompaniyamizning tashkil topganligi 28-yilligi bilan Sizlarni yana bir bor muborakbod etib, Vatanimiz ravnaqi uchun Sizlarga farovonlik, baraka, tinchlik, ilhom va muvaffaqiyatlar tilaymiz!

2020 yilning 22 yanvarida “O`quv- mashg`ulot markazi” bazasida Airbus 320neo samolyotlari jihozlangan CFM LEAP-1A dvigateli ekspluatatsiyasi va parvoz-texnikasi xarakteristikalari bo`yicha amaliy seminar bo`lib o`tdi. Seminar butun dunyo fuqaro va harbiy-transport aviatsiyasida ko`p ishlatiladigan va eng mashhur bo`lgan CFM markali dvigatellarni yaratuvchi va ishlab chiqaruvchi – “SAFRAN” kompaniyasining guruhi bilan hamkorlikda tashkil etildi.

Seminarda Airbus 320 samolyotlari flotida 10 yildan ortiqroq vaqt davomida parvozlarni amalga oshirib kelayotgan “Uzbekistan Airways” AJning 3-uchuvchilar otryadi uchuvchilari va instruktorlari ishtirok etdilar. Shuninigdek, o`quv-mashg`ulot markazining o`qituvchilar va instruktorlar tarkibi o`zlarining o`quvchilari “Uzbekistan Airways” aviakompaniyasi samolyotlarining bo`lajak uchuvchilari – uchuvchilarni boshlang`ich tayyorlov kurslari va uchuvchilar bilim yurtlari bitiruvchilari o`quvchi- tinglovchilari bilan birgalikda tadbirda ishtirok etdilar.

Uchuvchilar tayyorlash kursiga qabul haqida

IKAO

European Aviation Training Symposium

O’zbekiston fuqaro aviatsiyasi: maqsadi – parvozlar xavfsizligi. Ma’lumki, O’zbekiston milliy aviatashuvining asosiy va shubhasiz maqsadi bu doimo parvozlar xavfsizligi hisoblangan.

Aviatsiya biznesining bu muhim ko’rsatkichiga ta’sir qiluvchi asosiy mutaxassislar bu nafaqat uchuvchilar, balki havo harakatini boshqaruvchi dispetcherlar hamdir.

Ularning o’zaroharakati zaruriy darajasini saqlash, o’zaroishonch va malaka parvozlar xavfsizligining yuqori darajasiga yetishish va uni saqlash, aviatsiyaga noqulay ob havo sharoitlari tasiri va boshqa omillarning kamayishini ta’minlaydi.

Aynan shu maqsadda 25-oktabr kuni Uzbekistan Airways aviakompaniyasi O’quv mashq markazi (“Aviation Training Center MCHJ”) bazasida O’zbekiston uchuvchi mutaxassislari va dispetcherlik xizmati mutaxassislari ishtirokida 1-uchuvchi-dispetcherlar konferensiyasi bo’lib o’tdi.

Milliy Aviatashuvchi “Uzbekistan Airways”AJga o’zgargani va “Uzaeronavigatsiya”markazi esa O’z.R. Transport vazirligi tarkibidagi davlat korxonasiga o’tganidan keyin tashkil qilingan birinchi konferensiyada yurtimizning obro’li va yetakchi aviamutaxassislari ishtirok etdilar. Tadbir davomida uchuvchilik va dispetcherlik xizmatlari o’zaro harakatiga taalluqli savollar ko’rib chiqildi. Zamonaviy radioaloqa va navigatsiya yangi qoida va standartlari bilan tanishildi.

Kelajakda bunday konferensiyalar har yili o’tkazilishi va unga butun dunyodan yetakchi aviatorlar taklif qilinishi rejalashtirildi. Aviakompaniya O’quv markazi bazasida havo harakati boshqaruvi dispetcherlari zamonaviy trenajyorining tashkil qilinishi Respublikamiz aviatashuvchisi va O’zaeronavigatsiyasi markazi o’rtasidagi o’zaro aloqalarning sifat va darajasini saqlashning yana bir isbotidir. Bunday yuqori intellektual va innovarsion majmua aerodorm dispetcherlik markaziga mos bo’ladi. Butun Respublikamiz navigatsiya xodimlari mashg’ulotlarni videopaneldagi aylana ko’rinish yordamida o’rganishlari mymkin. Trenajyorning ishga tushirilishi shu yilning oxirigacha rejalashtirilyapti.

Rossiya Federatsiyasi Transport vazirligi (Rosaviatsiya) huzuridagi Federal havo transporti agentligining roziligi bilan “O‘quv-mashg‘ulot markazi” MChJ bundan buyon Rossiya aviakompaniyalariga ham xizmat koʻrsatishi mumkin.

Ushbu yangilik Rossiya Federatsiyasida joylashgan ko‘plab aviakompaniyalar uchun juda yoqimli bo‘ldi va tez orada bizning Trenajyor markazimizda mashg‘ulotlar o‘ta boshladilar.

Birinchilardan  bir vaqtning o‘zida ikkita kompaniya bo‘ldi – “ROYAL FLIGHT”Aviakompaniyasi” AJ va “Ikar”Aviakompaniyasi” MChJ (Pegas Fly).

Ushbu aviakompaniyalar vakillari katta tajriba va har bir mijozga individual yondashuvni yuqori baholadilar, bu esa o‘z navbatida o‘zaro hamkorlikni yaxshilash va munosabatlarimizni mustahkamlash imkonini berdi.

Sinov tizimlari va litsenziyalashning professional til talablari bo’yicha ko’rsatmalar

Dildora Xasanova, МАК O`quv-mashq markazi Davlat tili tsikl komissiyasi katta o`qituvchisi:
Bundan 30 yil muqaddam o`zbek tiliga davlat tili maqomi berilgan edi. Bu o`z davrida tom ma`noda olamshumul voqea bo`lgan edi. Chunki, Beruniy, Ibn Sino, Al Xorazmiy, Al Farg`oniy, Alisher Navoiy, Amir Temur, Мirzо Ulug`bеk, Bоbur Мirzo singari buyuk siymonlarni yetishtirgan xalq tili yo’qolish arafasiga kelib qolgan edi.

Ona tilimiz – o`zbek tiliga 1989 yil 21 oktabrda davlat tili maqomi berildi. Bu mamlakatimiz, yurtdoshlarimiz hayotidagi unutulmas, tarixiy voqeaga aylandi. Ona tili – millatning ruhidur. Til — davlat timsoli, mulki. Tilni asrash, rivojlantirish – millatning yuksalishi demakdir.
Shuni ta`kidlash kerakki, o`zbek tiliga davlat tili maqomining berilishi xalqimizning milliy mustaxkamlikka erishishi yo`lidagi muhim qadamlaridan birr bo`lgan edi. Istiqlol yo`llarida mamlakatiizda barcha sohalarda bo`lgani kabi tilimiz taraqqiyotida ham muhim o`zgarishlar yuz berdi. O`zbek tilining halqaro miqyosida obro`si oshdi.
O`quv-mashq markazimizda ham davlat tilida ish yuritih, xodimlar malakasini oshirish, o`quv-uslubiy qo`llanmalar yaratish bo`yicha samarali ishlar olib borilmoqda. Tinglovchilarning va aviyaxodimlarning o`qitish bo`yicha boshlang`ich tayorlov va malaka oshirish kurslari, bundan tashqari yo`lovchilarga xizmat ko`rsatadigan va muloqotda bo`ladigan uchuvchi va bortkuzatuvchilar uchun yangi “axborot o`qitish” dasturlari ishlab chiqildi. Mazkur dastur bo`yicha barcha uchuvchi va bortkuzatuvchilarimiz davlat tilidagi axborotni to`g`ri o`qish va to`g`ri talaffuz qilishni o`rganish imkoniga ega bo`lishadi. Davlat tilida ish yuritishning qonuniy me`yorlarini bajarish maqsaida markazimizd tarjimonlar guruhi ham faoliyat yuritadi. Shuningdek, o`zbek tilini o`rganish istagi bo`lgan o`zbek tilini o`rganish istagi bo`lgan markazimizda ishlaydigan xodimlarimiz uchun alohida o`quv kurslari ham tashkil etilgan. Jamoamizdagi malakali o`qituvchilar dars jarayonlarida tinglovchilarga imkon qadar tilimizning nozik jihatlarini va fandagi yangi ma’lumotlarnitaqdim etishga harakat qilishadi.
Imkoniyatdan foydalanib, Davlat tili to`g`risidagi Qonunning 30 yilliigi bayrami bilan azizvatandoshlarimizni tabriklayman.

Karimova Umida, МАК O`quv-mashq markazi Davlat tili tsikli o`qituvchisi:
Til – millat qiyofasining bir bo`lagi va millatning ma’naviy boyligidir. Til nafaqat muomala vositasi – balki xalqning madaniyati, urf-odati, uning turmush tarzi, tarixidir. Aynan til tufayli insoniyat u yoki bu xalqqa mansubligidan faxrlanib yashaydi.

Xazrat Navoiy aytganlaridek: Tilga E’tibor – elga e’tibor. Zero, og`zaki nutq madaniyatini bilish, o`rganish, tilga xurmat – elga xurmat ma’nosida ham yuksak fazilat hisoblanadi.Fursatdan foydalanib, barcha yurtdoshlarimizni 21- oktabr O`zbekiston Respublikasining “Davlat tili haqida”gi Qonuni qabul qilingan kun bilan chin yurakdan muborakbod etamiz. Tilimizni dunyoga tanitayotgan ilm-fan vakillariga ulkan zafarlar tilayman.

Shoira Rasulova, МАК O`quv-mashq markazi Davlat tili tsikli, O`zbek tili o`qituvchisi va arxiv ishlari bo`yicha mutaxassis:
Ona tili bu millat uchun ayni o`zlikdir. Ona tili inson ongu shuuri, qalbi va ruhiga ona allasi, keyinchalik bemisl ertagu rivoyatlar, maqolu topishmoqlar, ajdodlarning hayoti tikilgan, millatning orzu o`ylari, insoniylikning tarixidan so`zlovchi adabiy yodgorliklar bilan kirib boradi. Ona tilimiz o`z jozibasi hamda qiyosi yo`q betakrorlikka ega. Dunyoda tillar ko`p biroq ular orasida O`zbek tilidek so`zga, ibora va ibratlarga boy til bo`lmasa kerak.
Dunyoda har bir xalqning o`z tili uning bebaho boyligi, iftixori, najoti hisoblanadi. Hikmatli so`zlar, she’ru dostonlar, qo`shiqlar, ayniqsa shu millatni, jamiyatni harakatga keltiruvchi qonunlar ham avvalo biror bir millatning ona tilida dunyoga keladi. Millat bor ekan, uning tili ham yshaydi, tili yashar ekan u millat boshqa millatlar o`rasida o`z nufuzi, obro`siga ega bo`ladi. Har bir xalqqa o`z tili aziz va ardoqli. O`zbekiston Respublikasining ham o`z davlat tili bor. Ona tilimiz – o`zbek tiliga 1989 yil 21 oktabrda davlat tili maqomi berildi. Yurtimizdagi barcha ta’lim muassasalari va o`quv yurtlarida o`zbek tiliga bo`lgan munosabat tubdan o`zgardi. Davlat tilida ish yuritish xujjatlari qayta nazoratga olindi. Chunki, xalq taqdiri til taqdiri bilan bevosita bog`liq. Shu sababli ham tilning saqlanishi xalq taraqqiyoti va kelajagini belgilaydi. Til xalqni birlashtiradi, tarbiyalaydi, o`qitadi, urf-odat, an’analarni saqlaydi.
Azizlar, Sizlarni milliy Til bayramimiz bilan tabriklayman. Tilimizdagi barcha ezgu so`zlar hamrohingiz bo`lib dilingizda esa o`zbek tiliga bo`lgan mehr aslo so`nmasin. Zero, til millat va Vatan timsolidir.

Xvan Marina Ilinichna МАК O`quv-mashq markazi tsikli o`qituvchisi:

Men O’MMning bortkuzatuvchliar tayyorlov siklning o’qituvchisi Xvan Mariya Ilinichna davlat tili kuni bilan hammani tabliklayman.

Barchaga tinchlik xotirjamlik har bir oilaga baxt va omad tilayman.O’zbekistonimiz gullab yashnasin.

Shu bilan bir qatorda o’quv markazimizning o’zbek tili o’qituvchilari Xasanova Dildora Zikrillayevna va Karimova Umida Xakimjanovna mehnatlarini alohida ta’kidlamoqchiman.Yosh bortkuzatuvchilarni tarbiyalashda va bilim berishda ularda pedagogik maxorot yuksak darajada

Ularni bu bayram bilan tabriklayman.

Men, Rasulova Zulfiya Paziljanovna “O‘quv-mashq markazida 2007 yildan buyon tarjimon lavozimida faoliyat ko‘rsatib kelmoqdaman. Mening vazifam korxonamizning barcha xat-hujjatlari, yo‘riqnomalar, Nizomlar, O‘MM direktorining buyruqlari va ko‘rsatmalari va korxonaga tegishli barcha hujjatlarni o‘zbek tiliga tarjima qilishdir. Bundan tashqari hujjatlarning o‘zbek tilida olib borilishiga va sifatiga ahamiyat beramiz. Vazifamni o‘z vaqtida bajarishga harakat qilaman. “Qolgan ishga qor yog‘adi” degan naqlga amal qilaman. Fursatdan foydalanib, jamoa a’zolarining barchasini Davlat tili kunining 30 yilligi bilan chin qalbdan tabriklayman. Ishlariga rivoj tilayman.

“Uzbekistan Airways” aviakompaniyasi o‘quv-mashq markazida Fuqaro aviatsiyasi uchuvchisi kasbi bo‘yicha birinchi yosh kadrlar guruhi o‘qimoqda.

Ma’lumki, o‘z faoliyati davomida Milliy aviakompaniya uchuvchilar boshlang‘ich tayyorgarligini chet el o‘quv yurtlarida olib borar edi. Biroq, 2016-yilga kelib O‘zbekiston Respublikasi Davlatavianazorati uchuvchi-inspektorlar tarkibi ko‘magida aviakompaniya O‘quv-mashq markazi mutaxassislari o‘z tajribalari va xalqaro tajribalardan foydalangan holda, o‘z bazasida o‘ziga xos uchuvchilar boshlang‘ich tayyorlovi konsepsiyasini chet el o‘quv yurtlari yoki mutaxassislari ko‘magisiz ishlab chiqdilar.

2017-yilda O‘zbekiston Respublikasi Prezidenti topshirig‘iga binoan, vazirlik va boshqarmalar hamkorligidagi ishchi guruhi yangi konsepsiyani har tomonlama ko‘rib chiqib, aviatorlarga tegishli Hukumat Qarorini tayyorlashga yordamlashib, uning amalga oshirilishini ta’minladilar. Milliy aviakompaniya qayta tashkil qilinishi va uni zamonaviy Aksionerlik jamiyati shaklidagi aviatransport korxonasiga o‘zgartirish, hamda “O‘quv-mashq markazi” Davlat unitar korxonasini “Aviatsion Training Center” mas’uliyati cheklangan jamiyatga qayta tashkil etish bilan parallel ravishda uchuvchi kasbiga o‘qitish uchun tinglovchilarning sifatli tanlovi ham o‘tkazildi. Texnik sohadagi oliy o‘quv yurtlari bitiruvchilarining qariyb 200 nafari tanlovda ishtirok etdi. Eng birinchi tanlovda o‘z jismoniy va psixik sog‘lig‘i, chet tillari va aniq fanlar bilimi bo‘yicha yuqori talablarga mosligini 5 nafar nomzodlargina isbotlay oldilar. Bu ko‘rsatkich Aviakompaniyaga zaruriy nomzodlar kamchiligini tashkil qilgani sababli, tanlovlar bu yil oxiridan boshlab, doimiy ravishda o‘tkaziladi. Yurtimizning yuksak ishonchini oqlash va uchuvchilar tarkibiga bo‘lgan ehtiyojning ortib borishini qondirish maqsadida, O‘quv-mashq markazi yiliga 25-30 nafar fuqaro aviatsiyasi uchuvchilarini tayyorlashni rejalashtiryapti.

Birinchi guruh esa, uchta asosiy yo‘nalishga bo‘linuvchi:

Aviatsiya qonunchiligi;

Havo harakati nazariyasi;

Samolyot, uning tizimi va dvigatellari tuzilishi kabi aviatsiya fanlarini faol va namunali ravishda o‘rganib kelmoqda.

Nazariy modul tugashi bilan, keyingi yil yoz oylarida uchuvchilar boshlang‘ich tayyorlov kursi tinglovchilari o‘qitishning trenajyor va uchuvchilik modulini boshlaydilar. Buning uchun zamonaviy virtual va to‘liq funksiyali trenajyorlar, hamda aviatsiya olamida “Uchar partalar” nomi bilan ataluvchi zamonaviy o‘ta yengil o‘quv-mashq samolyotlari qo‘llaniladi. Bunday nom butun dunyodagi yosh uchuvchilar tayyorgarligida shunday kichik havo kemalarining katta xizmatlarini bildiradi.

2021-yil oxiriga kelib, O‘zbekiston aviakompaniyasi o‘quv-mashq markazi bazasida ta’lim olgan fuqaro aviatsiyasi birinchi uchuvchilari “Uzbekistan Airways” samolyotlari ekipaj a’zolari bo‘ladilar.

Ularga yaxshi o‘qish va xavfsiz parvozlarni, bizning butun dunyoda o‘z o‘rniga ega bo‘lgan aviakompaniyamizga esa, yanada rivojlanishini va xizmatlariga bo‘lgan ehtiyojning ortishini tilaymiz. Ehtiyoj esa, “Uzbekistan Airways”ning ichki sifatli ravnaqi, O‘zbekistonning har tomonlama rivojlanishi, iqtisodiyotning o‘sishi, turizmning rivojlanishi, fuqarolarimiz hayot sifatining o‘sishi tufayli bor va yanada rivojlanadi.